„Тесла“ останува без оправдувања за продолжениот пад на продажбата

Се очекува „Тесла“ (Tesla Inc.) да објави уште еден квартален пад на продажбата и нема алиби за тоа. Аналитичарите проценуваат дека производителот на автомобили утре ќе објави дека испорачал 441.019 електрични возила во вториот квартал, што е пад од 5,4 проценти во однос на претходната година. Ова ќе биде втор последователен квартален пад, што последен пат и се случи на „Тесла“ во 2012 година, кога постепено го укинуваше својот прв модел, „роудстер“.