Нов удар за германската економија - „Мерцедес“ ги намали прогнозите

Групацијата „Мерцедес-Бенц“ (Mercedes-Benz Group AG) ја намали својата финансиска прогноза поради наглото влошување на работењето во Кина, што претставува најнов удар за германскиот индустриски сектор.

Приспособените приходи во главната единица за автомобили сега се очекува да бидат во опсег меѓу 7,5 и 8,5 проценти, што е значајно помалку во споредба со претходната прогноза, според која се очекуваше да изнесуваат дури 11 отсто, соопштија доцна синоќа од компанијата. Кина, најголемиот пазар на компанијата, падна бидејќи богатите купувачи го одложуваат купувањето на најскапите модели седани на „Мерцедес“.