Групацијата „Мерцедес-Бенц“ (Mercedes-Benz Group AG) ја намали својата финансиска прогноза поради наглото влошување на работењето во Кина, што претставува најнов удар за германскиот индустриски сектор.
„Намалувањето на рејтингот беше поттикнато од натамошното влошување на макроекономското опкружување, главно во Кина“, соопштија од „Мерцедес“, посочувајќи на послабата потрошувачка, како и на континуираниот пад во секторот на недвижности.
Bloomberg Mercury
Предупредувањето за профит е најновата пречка за најважната германска индустрија што се бори со транзицијата кон електрични автомобили и намалениот профит од Кина. „Фолксваген“ (Volkswagen AG), најголемиот производител на автомобили на континентот, месецов го укина деценискиот договор за работа и е подготвен за првпат да ги затвори домашните фабрики во Германија поради слабата побарувачка. БМВ (BMW AG) минатата недела ги намали прогнозите за приходите за целата година, главно поради падот во Кина и слабата продажба на електрични возила.
„Заработката пред камати и даноци сега се очекува да биде значително под нивото од претходната година“, истакнаа од „Мерцедес“, што претставува неуспех за компанијата бидејќи има стратегија за поголема продажба на своите најлуксузни возила, со цел да ја зголеми профитабилноста.
Автомобилскиот аналитичар на РБЦ (RBC), Том Нарајан, рече дека големината на предупредувањето за профит е изненадување. „Би очекувале акциите да реагираат негативно“, рече тој.
За „Мерцедес“ слабеењето на продажбата на неговите врвни автомобили претставува удар за луксузната стратегија, што треба да помогне во финансирањето на транзицијата на компанијата кон целосно електрични возила во иднина.
Што е уште полошо, најновите електрични возила на компанијата наидоа на слаб одговор од потрошувачите во моќната економија во Азија, но и на други места. Помладите клиенти во Кина сè повеќе се свртуваат кон домашните брендови за кои се смета дека имаат понапредна дигитална и забавна технологија во автомобилот отколку премиум германските брендови како „Мерцедес“.
Не само што се намалува бизнисот во Кина туку и продажбата во Европа е исто така под притисок. Испораките на „Мерцедес“ низ регионот се намалија за 13 проценти во текот на август, а три отсто во текот на првите осум месеци. Сè поголемата продажба на електрични возила ги поткопува стратегиите на производителите на автомобили за исполнување на заострените правила за јаглерод диоксид од следната година во Европската Унија, изложувајќи ја индустријата на казни од милијарди евра.
.webp){kind=icon}
