„Уника“ го продава осигурителниот бизнис во Македонија, Албанија и Косово на Авни Понари

„Уника иншуренс груп“ (UNIQA Insurance Group AG) одлучи да го продаде својот осигурителен бизнис во Македонија, Албанија и Косово. Во информацијата објавена на терминалот на „Блумберг“ се вели дека како дел од своето стратешко управување со портфолиото „Уника иншуренс груп“ континуирано ги оценува сите пазари на кои е активна во однос на нивните перспективи.

„Компанијата преку ‚Сигал Уника груп Австрија‘ (SIGAL UNIQA Group Austria) е активна во Албанија, Косово и Северна Македонија, кои се меѓу малите пазари во Западен Балкан. Во изминатите месеци ‚Уника‘ ги процени можностите за можеби продажба на акциите на ‚Уника‘ во Албанија, Косово и Северна Македонија (Албанија, Косово и Северна Македонија заедно наречени АЛМАКОС) и одржа неформални дискусии со различни заинтересирани страни за нивниот интерес за купување на акции на АЛМАКОС“, наведуваат од компанијата.

Управниот одбор и Надзорниот одбор на „Уника иншуренс груп“ вчера одлучиле да го продадат целото учество на „Уника“ во „Сигал Уника груп Австрија“ (90 отсто од акциите) на Авни Понари, основач и малцински акционер на „Сигал груп Австрија“. Договорот за купопродажба на акции се очекува да биде потпишан во наредните денови. Набавната цена е предмет на доверливост.

„Продажбата на основачот и долгогодишен коакционер на ‚Сигал Уника груп Австрија‘ обезбедува брз трансфер и максимален континуитет за клиентите, вработените и партнерите“, пишува во соопштението.

Продажбата ќе биде предмет на добивање на потребните регулаторни одобренија.

Во моментов нема коментари за веста. Биди прв да коментира...

Остави коментар