text size
Доставата за пратките од популарната кинеска платформа за е-трговија „Али Експрес“ (AliExpress) во јуни годинава ја презеде најголемата приватна пошта во Македонија, Еко Логистик Сервис (ЕЛС).
Од таму гарантираат дека пратките за чија достава граѓаните чекаа со месеци, сега брзо и безбедно стигнуваат до нивните домови.
„За да ги задоволи потребите на зголемениот број достави, ЕЛС ги зголеми и капацитетите, па во моментов компанијата располага со повеќе од 220 возила и над 250 доставувачи“, посочуваат од поштата и нагласуваат дека достава се врши и во попладневните часови.
Прочитај повеќе
„Амазон“, „Алиекспрес“ и „Тему“ ја живнаа курирската услуга во Македонија
Вкупниот промет со услуги во третото тримесечје годинава бележи раст од 1,4 проценти на годишно ниво, а најзначаен е растот на поштенски и курирски услуги од 20,5 отсто.
13.12.2024
Пратките од „Тему“ во Македонија преку Унгарија, а зошто се толку евтини?
ЕЛС засега е единствената поштенска компанија што нарачките од „Тему“ ќе ги испорачува до крајните купувачи во земјава.
12.11.2024
На пат се првите пратки од „Tему“ кон Македонија, почнува „лудилото“
Пратките до крајните купувачи ќе ги испорачува поштенската компанија „Еко логистик сервис“ (ЕЛС).
11.11.2024
Од ЕЛС апелираат граѓаните при нарачувањето од „Али Експрес“ да ги оставаат нивните точни адреси и телефонски броеви, со цел доставувачите да можат да ги контактираат.
Доколку кој било граѓанин се соочува со доцнење на пратката, може да се обрати на телефонските броеви 15 990 или 13 990 или пак да пише на електронската адреса customercare@els.mk.
„Доставата од 'Али Експрес' ја вршиме буквално во секој град и во секое село во Македонија, без исклучок. Процесот тече континуирано, брзо и без проблеми. Но, она што е најважно е сигурноста, која е на исклучително високо ниво. Ние сме единствената приватна пошта кај која процесот на достава се одвива преку добивање безбедносен код, кој на купувачот му стигнува на телефонскиот број во моментот кога пратката ќе биде во негови раце, со цел да се избегнат какви било манипулации“, велат од ЕЛС.
Секоја пратка може да се следи на веб страницата на ЕЛС (www.els.mk), во делот „следење на пратка со сериски број“, каде јасно е наведено кога пратката е влезена во земјава, а кога е кај курирот.
ЕЛС неодамна доби признание за успешна достава директно од „Али Експрес“ во кое се наведува:
„Според мерењата што ги правиме на дневна основа, од јуни до ноември, Вашата компанија Еко Логистик Сервис е пошта со најбрза и најдоверлива достава на пратки со код, со тоа што партнерите се чувствуваат сигурно во процесот на достава“.
.webp){kind=icon}
