Има значајна разлика меѓу побарувачката и понудата на станови во Северна Македонија, а ограничувањата во снабдувањето ги зголемуваат цените на имотот и кириите во земјата, вели за Bloomberg Adria, Џенис Реџепи, главниот оперативен директор на Еуровиа.
Во второто тримесечје од 2022 година цените на становите во Македонија остварија годишен раст од 16,5 проценти, што е рекордно зголемување коешто не се случило во изминатава деценија. Во четвртото тримесечје од 2021 година растот изнесуваше 11,4 проценти, а во првото тримесечје од годинава 12,5 проценти. Од 2011 година цените на становите се зголемени за 26,6 проценти.
Реџепи вели дека градежниот сектор во Македонија впрочем е затворен веќе две години, а клучна причина за тоа е недостигот на работна сила, иако индустријата почнала да закрепнува во 2021 година. Тесните грла на синџирот на снабдување исто така влијаеле на поскапување на градежните материјали. Додава дека како што расте побарувачката, градителите на станови се борат со проблемите во синџирот на снабдување. Смета дека им требаат дополнителни стратегии за да се справат со сите предизвици.
„Ако градежниците немаат воспоставено процеси за да се справат со неодамнешните зголемувања на цените и предизвиците на синџирот на снабдување, тогаш проектот може да потоне додека црното станува црвено на билансот на состојба, вели Реџепи.
Во нивната стратегија се водат од неколку приниципи и се обидуваат да ги проверуваат материјалите, да ги купуваат рано за да не им недостигаат при градење.
„Постојано ги следиме флуктуациите на цените и купуваме материјали шест до 12 месеци порано. Пред купувањето се грижиме и да се обезбеди работната сила и дополнително сега ни е рутина да изнајмуваме магацински простор за складирање на различни материјали што може да се купат однапред и брзо да се распоредат на работно место, вели Реџепи.
Додава дека и со најдобро поставените планови, невозможно е да се набави секој потребен материјал.
„Тоа значи дека проектните тимови треба да бидат креативни во користењето на алтернативни материјали, особено оние што се произведуваат дома. Со оглед на неодамнешниот конфликт во Украина, стана долг списокот на завршни материјали кои се прекинати или едноставно недостапни, вели Реџепи.
Неговите прогнози се дека не е сосем јасно како ќе се одвиваат работите со синџирите на снабдување, но дека податоците јасно покажуваат големи можности за градителите.
„Следењето на овие испробани и вистинити тактики ќе им овозможи на сите страни да ги одржуваат проектите на вистинскиот пат, истовремено заштитувајќи го повратот на инвестициите во едно од највозбудливите времиња во нашата индустрија, вели Реџепи.
.webp){kind=icon}