text size
Акциите на БЈД (BYD Co.) паднаа најмногу во последните три недели по извештајот дека инвестициската фирма на Ворен Бафет го продала својот удел во кинескиот производител на електрични возила.
Акцијата на оваа компанија падна за дури 3,6 проценти, рангирајќи се меѓу најлошите на листата на кинески акции котирани во Хонгконг. „Беркшир хатавеј“ (Berkshire Hathaway Inc.) се откажа од целиот свој удел во БЈД, според извештајот на Си-ен-би-си (CNBC) во неделата, во кој се цитираше и портпарол на американската фирма што го потврди развојот на настаните.
Во поднесокот од „Беркшир хатавеј енерџи“ (Berkshire Hathaway Energy), подружницата што ги држеше акциите на БЈД, вредноста на овие инвестиции од 31 март е наведена како нула, објави Си-ен-би-си. Фирмата на Бафет ги држеше акциите повеќе од 15 години, откако првпат купи 225 милиони акции во септември 2008 година. Акциите скокнаа за повеќе од 4.500 проценти од денот пред првото купување до 31 март годинава.
Прочитај повеќе
На што се подготвува Ворен Бафет? Го анализиравме неговото портфолио
Милијардерот Ворен Бафет држи рекордни 344 милијарди долари кеш во „Беркшир Хатавеј“, но големината и скапите пазари ја ограничуваат потрагата по нови инвестиции.
22.08.2025
Проверивме дали „БЈД сил“ навистина може да му парира на „порше“, за една третина од цената
Што се однесува до опсегот, „сил“ без проблем прави околу 400 километри на автопат, со брзина од околу 130 км/ч. Ако го возите низ град или по локални патишта без многу забрзување, опсегот според WLTP од 570 километри ни изгледа речиси реален.
18.09.2025
Кинеската БЈД со двојно повеќе модели на возила ја освојува Европа
БЈД, „Икспенг“ и „Липмотор“ го користат саемот во Минхен за проширување во Европа, заканувајќи им се на позициите на европските гиганти.
09.09.2025
Bloomberg Mercury
Во последните две децении БЈД од малку познат кинески доставувач на батерии за мобилни телефони се претвори во најголем производител на електрични и хибридни возила во земјата. „Беркшир“ почна да го продава својот удел во средината на 2022 година, при што уделот минатата година падна под пет отсто. Преминувањето на тој праг значеше дека американската фирма повеќе не е обврзана од Хонгконшката берза да ги открива идните продажби.
Акциите на БЈД паднаа за околу 30 проценти од рекордното ниво достигнато пред четири месеци поради растечките грижи за нејзината способност да ѝ се спротивстави на конкуренцијата во услови на деструктивна ценовна војна во Кина.
„Беркшир“ почна да инвестира во БЈД откако долгогодишниот деловен партнер на Бафет, Чарли Мангер - кој ги купи акциите со претседателот на „Хималаја капитал“ (Himalaya Capital), Ли Лу - ја препорача инвестицијата.
„Инвестирањето во акции, купувањето и продавањето се нормални практики“, рече денеска Ли Јунфеи, генерален менаџер за брендирање и односи со јавноста во БЈД, во објава на кинеската социјална мрежа Веибо. „Благодарни сме им на Мангер и Бафет за нивното препознавање на БЈД и за нивните 17 години инвестиции, поддршка и дружење.“
Портпаролот на БЈД го упати „Блумберг“ на објавата на Ли на Веибо кога беше замолен за коментар. „Беркшир“ не одговори веднаш на е-поштата испратена надвор од редовното работно време.
.webp){kind=icon}
