text size
„Спејс екс“ (SpaceX) има договорено четири банки да ја водат нејзината иницијална јавна понуда (ИПО), според лица запознаени со темата, додека ракетната и сателитска компанија на Илон Маск продолжува со плановите за најголемото лансирање досега.
Компанијата ги има избрано Банката на Америка (Bank of America Corp.), „Голдман Сакс“ (Goldman Sachs Group Inc.), „ЏП Морган“ (JPMorgan Chase & Co.) и „Морган Стенли“ (Morgan Stanley) во водечките улоги, посочуваат лицата, кои побарале да останат анонимни бидејќи информацијата не е јавна.
„Фајненшл тајмс“ (Financial Times) првично извести за имињата на банките. Дополнителни банки се во преговори за улога на ИПО-то на „Спејс екс“, посочуваат лицата. Не се донесени конечни одлуки и деталите може да се променат, додаваат тие.
Прочитај повеќе
Ќе излезе ли „Спејс екс“ на Маск на берза во 2026?
Акциите сега се по 421 долар, а вредноста на компанијата достигнува 800 милијарди долари.
13.12.2025
Претставник на „Спејс екс“ не одговори веднаш на барањето за коментар од „Блумберг“. Банките одбиле да коментираат.
„Спејс екс“ планира ИПО што може да се случи уште годинава, при што би се собрале значително повеќе од 30 милијарди долари во трансакција што би ја вреднувала компанијата на околу 1,5 билион долари, посочуваат лицата запознаени со подготовките.
Компанијата продолжува со продажба на акции на вработените, која ја вреднува на околу 800 милијарди долари, извести „Блумберг њуз“ во декември.
„Спејс екс“ им соопшти на своите вработени во декември дека влегуваат во „тивок“ период и дека треба да се воздржат од дискутирање за ИПО-то, што е регулаторен услов за компаниите што се подготвуваат, во месеците пред очекуваното лансирање.
.webp){kind=icon}
