Директорот на Национални енергетски ресурси, Бајрам Реџепи во денешното гостување на телевизијата „Блумберг Адрија“ рече дека не очекува проблеми во преносот на природен гас од Бугарија, откако поради политички причини соседната држава се закани со прекинување на сите заеднички проекти меѓу двете земји.
Во однос на цените на енергентите, тој рече дека тоа е тешко да се предвиди, но додаде дека не очекува проблеми во снабдувањето. Реџепи најави дека годинава ќе се потпише договорот за интерконекторот со Грција и дека изградбата би требало да заврши следната година.