Негативни ефекти на берзата од данокот на капитална добивка

Воведувањето на оданочувањето на капиталната добивка од тргувањето со хартии од вредност имаше силен негативен импакт врз македонската берза, вели во интервју за „Блумберг Адрија“, директорот на македонската берза, Иван Штериев, коментирајќи ги последните податоци за перформансите на македонскиот пазар на капитал во првото полугодие од годината кога е регистриран пад на прометот и бројот на трансакции за над 40 отсто. 

„За тоа предупредувавме ние во текот на минатата година и за жал нашите прогнози се остварија, во смисла на негативен импакт – помал промет итн. Верувам дека ова прашање ќе дојде повторно на дневен ред и дека ќе треба или делумно или целосно пак да се размислува за ослободување од ова оданочување“, вели Штериев.  

Директорот не берзата додава и дека причина е и економското опкружување на почеток на годината кои беше исполнето со песимизам кај инвеститорите. 

Bloomberg Adria

„Како глобално и регионално, економското опкружување на почеток на годината беше со многу предизвици поради зголемувањето на инфлацијата, зголемувањето на каматните стапки и можноста од рецесија, иако нашите котирани компании добро се држат, барем во првиот квартал, така што ова зголемување на каматните стапки поради борбата со инфлацијата, а од друга страна гледано визави интересот на инвеститорите за тргување со акции, има исто така негативен импакт затоа што стануваат поповолни банкарските депозити кои впрочем и не се оданочуваат се уште. Треба да се има предвид и дека на македонската берза имаше многу долг период на раст на цените, од 2013 до 2021 година македонскиот берзански индекс во континуитет растеше и во тој период има раст над 250 проценти. Лани беше некој минус на годишно ниво од околу 8 проценти, но секако сегашните вредности се одраз на овие трендови и тие сигурно влијаат на одлуките на инвеститорите особено оние нови кои сакаат или разгледуваат да влезат на пазарот“, вели Штериев.  

На прашањето зошто веќе подолго време има и намалување на бројот на странски играчи на берзата, Штериев вели дека причина, меѓудругото е што македонските компании се мали во меѓународни рамки и нашиот пазар не привлекува големи меѓународни и институционални инвеститори.  

Bloomberg Adria

„Нашата шанса е кон регионалните инвеститори и токму затоа тоа е и нашата политика и одлука за во сопственичката структура да влезе една од најголемите берзи во овој регион – Загрепската берза. Имавме во мај први денови на македонскиот пазар на капитал за хрватски инвеститори, посетеноста и интересот беше добар, имавме средби и директно со компаниите и имаме големи очекувања дека оттука ќе повлечеме некој нов промет“, вели Штериев.  

Со него зборувавме ефектите и целта од  зголемувањето на сопственички влог на берзата во Централниот депозитар, како и за состојбите на берзите во регионот и во глобални рамки. 

Целото интервју погледнете го на овој линк. 

Во моментов нема коментари за веста. Биди прв да коментира...

Остави коментар