.webp){kind=icon}
По врвот на инфлацијата во текот на 2022 година, која се одрази и врз автомобилскиот сектор, годинава се забележува стабилизација на пазарот и од аспект на понудата и побарувачката, како и од аспект на цените.
Ова го посочува во интервју за „Блумберг Адрија“ Александар Димовски, увозник на возила во земјава, коментирајќи го растот на продажбата на возила во првата половина од годинава – период во кој во Македонија влегле 25.172 возила, што е значително забрзување во однос на минатата година, кога во истиот период биле увезени 19.615 патнички автомобили.
Bloomberg Adria
„Апетитите за купување нови и половни возила никогаш не ни престанале. Потребата за возила е иста како и претходно, но целата ситуација се промени, односно се стабилизира, откако производителите на нови возила почнаа да произведуваат возила, а претходно имаа криза во производството, така што овие нарачки што стигнуваат сега во нашата држава се всушност нарачки од пред неколку месеци, кои им се испорачуваат на клиентите. Доаѓа до закрепнување на пазарот, односно закрепнување на производството на возила, така што и бројките на возила се зголемуваат, односно се зголемува увозот на возила“, вели Димовски.
Димовски не очекува нови ценовни шокови како изминативе две години, кога кај во одредени случаи цените скокнаа и за над 30 отсто. Сепак, тој вели е можен мал раст на цените кај новите автомобили.
Bloomberg Adria
„Па, мислам дека дојде до стабилизација на цените по оној раст како резултат и на зголемената побарувачка. Сега има мали растови и, по големите растови на цените што се случија во автоиндустријата, доаѓа до стабилизација на цените како кај новите така и кај половните возила. Во тој дел има целосно закрепнување во индустријата, очекуваме мал раст кај новите возила, но нема да биде толку голем како што беше во претходната година и годината пред неа“, вели тој.
Bloomberg Adria
Според Димовски, македонскиот пазар генерално се базира на средната класа возила.
Од аспект на предизвиците во работењето на увозниците, пак, тој ги посочува високите давачки.
„Предизвици има секој месец . Нема намалување на давачките при увозот на користени возила, а и не ни очекуваме. Со законот од 2019 година тие се тие мерки по кои се царинат возилата и не очекувам да растат давачките, но сепак тие се највисоки во Македонија во споредба со регионот. Има и некои други промени во законите за ДДВ при увоз на моторните возила, но тоа ќе биде во следниот период и ќе видиме како ќе се имплементира тој закон“, вели Димовски.
