.webp){kind=icon}
Енергетската криза и геополитичките случувања имаат значајно влијание врз бизнисите, што е очекувано да се преслика и врз фармацевтската индустрија, вели во интервју за „Блумберг Адрија“ Марјан Велковски, оперативен директор во „Реплек“. Тој се надоврзува на анализата на аналитичкиот тим на „Блумберг Адрија“, во која е посочено дека за фармацевтската индустрија, Русија се појавува како критичен извозен пазар во регионот, заедно со ЕУ и соседните земји.
Bloomberg Adria
„За 'Реплек' тоа е особено значајно, затоа што 80 отсто од нашето портфолио на производи реално позиционираме на странските пазари. Меѓутоа морам да потенцирам дека освен рускиот пазар, кој е исклучително значаен за фармацевтската индустрија од регионот Адрија, 'Реплек' голем дел од своето портфолио на производи позиционира на пазарите во ЕУ, како и на пазарите во Централна и Југоисточна Азија“, вели Велковски.
Bloomberg Adria
Исклучително е важно компаниите да креираат стратегија што ќе успее да ги амортизира овие геополитички случувања преку фокус кон пазарите на други земји, кои пак може да обезбедат поинаков концепт за пласман, фокусирано и ново портфолио на производи.
Геополитичките случувања предизвикаа одредени материјални дефицити кај фармацевтските компании, особено во процесот на снабдување активни фармацевтски компоненти.
Bloomberg Adria
„Сепак, креиравме стратегија за стабилно материјално снабдување, односно продлабочување на соработката со долгогодишни доставувачи. Во таа смисла, иако имаше одредени предизвици, успеавме да не трпиме материјални дефицити и да го исполниме производствениот план“, вели Велковски.
Тој посочува дека конкуренцијата на пазарот на генерички производи се зголеми, но и во овој сегмент исклучително е важна внатрешната стратегија на компаниите за силно и фокусирано портфолио на производи, што пак обезбедува сообразна конкурентност на пазарот.
„Планираме и нови молекули кон целни патолошки состојби за да бидеме во тек со глобалните случувања“, вели Велковски.
Велковски во интервјуто зборуваше и за промените во сопственичката структура на компанијата, за кои смета дека водат кон поефикасно производство.
