Позначително забавување на кредитниот раст кај станбените кредити регистрира Народната банка (НБРСМ). Ова, како што вели вицегувернерката Ана Митреска, е резултат на повеќе фактори, меѓу кои помалата побарувачка, малиот раст на каматните стапки за овие кредити и намалената понуда на пазарот. Според Митреска, која гостуваше на телевизијата „Блумберг Адрија“ , умерено влијание врз забавувањето имаат и донесените макропрудентни мерки, кои се во насока на поставување прагови во однос на квалитетот на кредитната побарувачка. „Ако во 2021 година станбените кредити растеа со стапка од над 16 отсто, сега стапката на раст забавува на околу 10,8 отсто, но и самиот нивен придонес во растот на вкупните кредити на населението се намалува“, вели Митреска.
Растот на цените на недвижностите беше позначаен во текот на претходната година, но веќе во последниот период има видливо стабилизирање.
„Ако минатата година кварталниот прираст на цените во просек беше околу пет отсто, оваа година забавува на 1,5 отсто, што значи дека има некое стабилизирање“, вели Митреска.
Прочитај повеќе
Градежништвото во минус, цените на становите до плафон
Градежниот сектор во вториoт квартал од годинава е во минус од 21,8 отсто, но цените на становите никако да се намалат.
19.09.2023
Преместувањето на европските мултинационални компании е шанса за регионот
Неповолните ефекти од гео-економската фрагментација особено би се почувствувале кај малите и отворени економии
09.09.2023
Цените на недвижностите во Шведска растат и покрај високите камати
Цените пораснаа за 0,8 отсто на месечно ниво во август
04.09.2023
НБРМ ја зголеми основната камата на највисоко ниво во последните 13 години
Референтната камата сега изнесува 6,15 отсто.
03.08.2023
Ефекти од мерките на НБРМ: Депозитите се зголемија за 900 милиони евра
Во вториот квартал од 2023 година, депозитите се зголемија за 11,6 отсто на квартално ниво.
07.08.2023
НБРМ: Инфлацијата забавува во вториот квартал од годинава
Ризиците за економските изгледи сѐ уште постојат и произлегуваат од развојот на војната во Украина и геополитичките тензии во глобални рамки.
28.07.2023
Растот на цените на недвижностите не е феномен само во Македонија. Претходната година во Европската Унија двојно се зголеми стапката на раст на цените на недвижностите, од пет на десет проценти, што беше постпандемиско приспособување во портфолијата на населението со поголема побарувачка, но и со растот на цените на градежните материјали.
Затегнување на монетарната политика
Натамошното затегнување на монетарната политика ќе зависи од тоа како се оценуваат економските и финансиските услови.
„Инфлацијата забавува, довербата на домашната валута е навистина голема и гледаме и растечка денаризација во штедењето на населението“, вели Митреска.
Митреска додава дека умереното намалување на кредитната активност во секој случај е добар тренд. Таа посочува дека секако ќе има одредени одложени ефекти, со тоа што кај сите централни банки ефектите на мерките се ефектуираат со одложено временско задоцнување.
„Во различни земји различна е трансмисијата преку каматните стапки, некаде повеќе некаде помалку, дури во еврозоната во земјите што имаат единствена монетарна политика ќе видите дека има разлика“, додава Митреска.
Што се однесува до идните промени на каматната стапка, таа потенцира дека НБРСМ неодамна презела дополнителни чекори.
„Ги зголемивме и каматната стапка и задолжителната резерва, оценувајќи дека има некои ризици во однос на подолготрајното опстојување на инфлациските притисоци и поради тоа мораше да дадеме уште еден сигнал, впрочем како што е случај и во еврозоната, каде што ЕЦБ поради овие причини дополнително ја зголеми каматната стапка“, вели Митреска.
Таа додава дека секоја идна промена на каматните стапки ќе зависи од тоа каква е тенденцијата и кај остварувањата и во однос на она што очекуваме кај клучните показатели што се релевантни при носењето на мерките.