.webp){kind=icon}
Следуваат сериозни промени на банкарската сцена во Македонија, а глобално клучот останува кај централните банки, чии сигнали ги брануваат финансиските пазари и светската економија. Овие се едни од најважните вести што треба да ги знаете утрово. Читајте релевантни содржини.
Дали акционерите на „Стопанска банка Битола“ добија фер понуда?
Ова прашање е клучно во банкарската и инвеститорската јавност откако вчера „Комерцијална банка“ објави дека нуди по 3.200 денари за една акција на „Стопанска банка“ АД Битола.
Ако се анализира книговодствената вредност на една акција на банката за 2023 година, може да се заклучи дека понудата е потценувачка. На 8 август годинава просечната цена беше 3.712 денари. Во последните 52 дена просечната цена сепак е многу пониска или 2.371 денар во просек. Доколку се погледнат финансиските извештаи на „Стопанска банка“ АД Битола за последните две години, се забележува дека е вршена исправка на вредноста во билансот на успех и „намалување на добивката и потреба за издвојување резервации со цел да се превенира ризикот од работењето.
Фед нема да потклекне пред притисокот во однос на каматните стапки
Огромно мнозинство економисти анкетирани од „Блумберг“ (Bloomberg) очекуваат Фед да ги намали каматните стапки само за четвртина процентен поен во септември. Наспроти ваквите проекции се големите банки, чии аналитичари бараат поголемо намалување на трошоците за задолжување во САД на следниот состанок. Речиси четири петтини од економистите анкетирани од „Блумберг“ очекуваат Федералните резерви да ги намалат стапките во опсег од 5 до 5,25 проценти на состанокот на 18 септември, додека повеќето од преостанатите очекуваат поголемо намалување. Просечната прогноза покажува само 10 проценти шанса дека Фед ќе ги намали каматните стапки на итен состанок пред септември.
Се очекува ЕЦБ шест пати да ги намали стапките до крајот на 2025 година
Европската централна банка (ЕЦБ), како што предвидуваат економистите, ќе ги намалува каматните стапки по еднаш квартално до крајот на 2025 година. Ова е малку пооптимистички од претходната проекција.
Истражувањето на „Блумберг“ меѓу економистите покажува дека стапката на депозити може да падне на 2,25 отсто во декември 2025 година, по шест последователни намалувања од по четвртина процентен поен. Претходно аналитичарите предвидуваа дека каматните стапки ќе паднат на 2,25 отсто во вториот квартал од 2026 година.
ЕЦБ почна да ги намалува трошоците за задолжување во јуни, откако централните банкари станаа посигурни дека инфлацијата ќе се врати на целта од два процента во скора иднина.
Колку струја троши вештачката интелигенција?
Ако го прашате ЧетГПТ колку струја троши вештачката интелигенција, ќе признае - многу. Големата потрошувачка на струја на вештачката интелигенција стои на патот на зелената транзиција. Во извештај на Светскиот економски форум објавен во јули годинава се наведува дека „Мајкрософт“, кој инвестираше во „Опен еј-ај“, производителот на ЧетГПТ, ги зголемил емисиите на јаглерод диоксид (ЦО2) за речиси 30 отсто од 2020 година поради проширувањето на центарот за податоци.
Емисиите на стакленички гасови на „Гугл“, пак, во 2023 година беа речиси 50 отсто повисоки отколку во 2019 година, главно поради побарувачката за енергија поврзана исто така со центарот за податоци.
Броите чекори и калории? Време е да ги броите и емисиите на ЦО2
Пресметувањето на емисиите за поединечни набавки е потешко отколку што звучи. Количеството на јаглерод диоксид произведено со лет или парче месо е мерливо и релативно специфично. Но отпечатокот на емисиите на, да речеме, нов паметен телефон - направен од материјали од безброј синџири на снабдување со интензивен јаглерод - може да биде многу потешко да се измери. Дури и нешто едноставно како купување кошула често создава хаос кога станува збор за пресметката на јаглеродот.
Дознајте!
