Просперитетот, безбедноста и демократијата, заедно со конкурентноста и дигиталната и енергетската транзиција, ќе бидат основни приоритети на новата Европска комисија, изјави денеска претседателката на ЕК, Урсула фон дер Лајен, на прес-конференцијата во Стразбур на која официјално ги претстави новите еврокомесари и ресорите со кои ќе раководат.
Според неа, целиот колеџ на комесари ќе биде посветен на конкурентност и зајакнување на технолошкиот суверенитет, безбедност и демократија и на градење конкурентна, декарбонизирана и циркуларна економија со фер транзиција за сите, како и на дизајнирање храбра индустриска стратегија со иновации и инвестиции, зајакнување на европската кохезија и региони и поддршка на луѓето, вештините и социјалниот модел.
„Целта е да се гарантира дека Европа може да ги наметне своите интереси и да предводи во светот“, истакна Фон дер Лајен на прес-конференцијата, што се одржа по нејзината средба со членовите на Конференција на претседатели на Европскиот парламент, која ја сочинуваат претседателката на ЕП, Роберта Мецола, и првите луѓе на пратеничките групи.
Фон дер Лајен потенцира дека секој член на ЕК е еднаков и секој комесар има еднаква одговорност да ги исполни поставените приоритети.
Таа нагласи дека при составувањето на ЕК и распределбата на ресорите водела сметка за постигнување баланс и во однос на половата и географската застапеност, па, така, во Комисијата ќе има 11 жени, што е околу 40 отсто.
„Кога го добив првиот сет на номинации и кандидати, бевме околу 22 отсто жени и 78 отсто мажи. Тоа беше неприфатливо. Затоа работев со земјите членки и успеавме да го подобриме балансот на 40 отсто жени и 60 отсто мажи“, потенцира Фон дер Лајен.
Подолу е комплетната листа на ресори објавена од порталот „Политико“ (Politico), со неколку стари и многу нови имиња:
Урсула фон дер Лајен (Германија): претседателка на Европската комисија
Тереза Рибера (Шпанија): извршна потпретседателка за чиста, фер и конкурентна транзиција
Хена Виркунен (Финска): извршна потпретседателка за технолошки суверенитет, безбедност и демократија
Стефан Сејроне (Франција): извршен потпретседател за просперитет и индустриска стратегија
Роксана Минзату (Романија): извршна потпретседателка за луѓе, вештини и подготвеност
Рафаеле Фито (Италија): извршен потпретседател за кохезија и реформи
Каја Калас (Естонија): висока претставничка за надворешни работи и безбедносни прашања
Магнус Брунер (Австрија): внатрешни работи и миграција
Хаџа Лахбиб (Белгија): подготвеност, управување со кризи и еднаквост
Екатерина Захариева (Бугарија): стартапи, истражување и иновации
Дубравка Шуица (Хрватска): Медитеран
Костас Кадис (Кипар): рибарство и океани
Јозеф Сикела (Чешка): меѓународна соработка
Дан Јоргенсен (Данска): енергетски и станбени прашања
Апостолос Цицикостас (Грција): одржлив транспорт и туризам
Оливер Вархеји (Унгарија): здравје и благосостојба на животните
Мајкл Мекграт (Ирска): демократија, правда и владеење на правото
Валдис Домбровскис (Латвија): економија и продуктивност, имплементација и поедноставување
Андриус Кубилиус (Литванија): одбрана и вселена
Кристоф Хансен (Луксембург): земјоделство и храна
Глен Микалеф (Малта): меѓугенерациска еднаквост, млади, култура и спорт
Вопке Хоекстра (Холандија): клима и раст без загадување
Пјотр Серафин (Полска): буџет, борба против измама и јавна администрација
Марија Луис Албакерки (Португалија): финансиски услуги
Марош Шефчович (Словачка): трговска и економска безбедност, меѓуинституционални односи и транспарентност
Марта Кос (Словенија): проширување
Џесика Росвал (Шведска): животна средина, политика за вода и конкурентна циркуларна економија
.webp){kind=icon}
Во моментов нема коментари за веста. Биди прв да коментира...