.webp){kind=icon}
Во 2021 година, меѓународниот откуп на увезенo чоколадo изнесува 31,9 милијарди американски долари, што е зголемување за 11,2 отсто во однос на 2020 година, кога откупната вредност беше 28,7 милијарди долари.
Вкупната вредност на увозот на чоколадо се зголеми во просек за 16,8 отсто за сите земји увозници од 2017 година, кога меѓународните набавки на чоколадо чинеа 27,3 милијарди долари.
Петте најголеми увозници - САД (3,2 милијарди долари), Германија (2,56 милијарди долари), Франција (2,54 милијарди долари), Велика Британија (2,4 милијарди долари) и Холандија (1,6 милијарди долари) чинат 38,5 отсто од глобалниот увоз на чоколадо во 2021 година, според страницата Worldstopexports.com.
Гледано oд аспект на континенти, добавувачите во Европа потрошиле најмногу на увезено чоколадо во текот на 2021 година, со увоз вреден 19,4 милијарди долари или 61,1 отсто од вкупниот износ. На второ место се азиските увозници со 17,4 отсто, додека 14,5 отсто од чоколадото увезено ширум светот е испорачано на клиенти во Северна Америка.
Земјите од Латинска Америка, без Мексико, но вклучувајќи ги и Карибите, учествуваат со 2,7 отсто од глобалниот увоз, Океанија, предводена од Австралија и Нов Зеланд имаат удел од 2,2 отсто, додека Африка од 2,1 отсто.
Со увозна вредност од 44,1 милиони долари Македонија го зазема 78-то место на листата на најголеми увозници на чоколадо во светот, што е најмала вредност во споредба со останатите земји од регионот Адриа.
Од земјите во регионот, најголем увозник е Хрватска, која лани увезла чоколадо во вредност од 205,6 милиони долари и се наоѓа на 34. место на светската листа. Хрватска, пак, е и еден од најголемите извозници на чоколадо во Германија.
Словенија е 42-ра во светот и втора во регионот со увоз на чоколадо во вредност од 147,7 милиони долари.
Со увозна вредност од 123,5 милиони долари, Србија го зазема 51. место меѓу најголемите увозници на чоколадо во светот и третата позиција во регионот.
Босна и Херцеговина е на 55. место на листата на најголеми увозници на чоколадо. Во таа земја во 2021 година е увезено чоколадо во вредност од 113,8 милиони долари, со што се позиционира на четврто место кога е во прашање регионалната листа.
Најбрзо растечки пазари за чоколадо од 2020 година се: Кина, која забележа раст од 20,1 отсто, Шпанија со раст од 19,6 отсто, Русија со раст од 17,9 отсто и Саудиска Арабија, која забележа скок од 17,4 отсто.
Земји со најмал раст на увозот на чоколадо се Белгија со раст од 0,9 отсто во однос на 2020 година и Велика Британија со раст од 4,8 отсто.
