.webp){kind=icon}
Хрватското министерство за финансии успешно пласираше еврообврзница на меѓународниот пазар на капитал во вкупен номинален износ од 1,5 милијарди евра со доспевање во 2035 година. Годишната купонска каматна стапка е четири отсто, а постигнатиот принос изнесува 4,047 отсто.
Трансакцијата е извршена во рок од еден ден, во вторникот, од објавувањето до затворањето на регистарската книга, со исклучително силна побарувачка која надмина 6,4 милијарди евра, соопшти тамошното Министерство за финансии.
Книгата за впишување привлече повеќе од 200 индивидуални интереси на најквалитетни инвеститори, со разновидна географска диверзификација, вклучувајќи ги Германија, Британија/Ирска, Австрија, Франција, Данска, САД, земјите од Централна и Источна Европа, земјите од Бенелукс, земји од Јужна Европа и други.
„Постигнатото ниво на интерес и постигнатите услови на емисија сведочат за силната доверба на инвеститорите во кредибилитетот на Република Хрватска како издавач на меѓународниот пазар, како и во економијата и јавниот долг на Република Хрватска, особено по пристапувањето во еврозоната и Шенген зоната од 1 јануари 2023 година“, се наведува во соопштението на Министерството за финансии.
Премиерот Андреј Пленковиќ на седницата на Владата во средата рече дека големиот интерес на инвеститорите за новоиздадената хрватска еврообврзница говори за кредибилитетот и угледот на Хрватска.
