Замислете дека сте поминале часови пишувајќи совршена професионална биографија (CV), сте ја прилагодиле на огласот, сте додале сè што работодавачот бара, но не добивате одговор. Не затоа што сте лош кандидат, туку затоа што алгоритмот ја одбил пред воопшто да стигне до човечки раце. Тоа веќе не е дистописка иднина - тоа е нешто што навистина се случува.
Но постојат мали трикови како можете своите документи да ги прилагодите на тоа.
Добро утро! Ова се петте вести што треба да ги знаете на почетокот на денот, во избор на дигиталната редакција на „Блумберг Адрија“ од Скопје.
Македонски деца се раѓаат како печалбари во Германија
Вкупниот број македонски државјани регистрирани како странци што живеат во Германија заклучно со декември минатата година изнесувал 161.120 лица, што е за над 2.000 лица повеќе отколку во 2024 година кога оваа бројка изнесувала 158.995 лица, покажуваат податоците на германскиот Федерален завод за статистика. Од 2015 година до 2025 година бројот на македонски државјани регистрирани како странци во Германија се зголемил за над 65.000 лица.
Бранот на иселувања на македонските граѓани во Германија во 21 век е толку голем што носи тренд македонските деца да се раѓаат на германско тло. Имено, статистиката открива дека само во минатата година во Германија се родиле 1.620 новороденчиња од „странци од Македонија“.
Како да инвестирате во најголемиот ИПО бран од дот-ком ерата
Постојат моменти на финансиските пазари кога сè се поклопува во совршено време. Технологија која е доволно созреана за инвеститорите да можат да ја разберат, капитал кој со години го чека вистинскиот излез и пазарно расположение кое бара нова приказна. Токму на таков момент сведочиме денес, наоѓајќи се пред она што би можел да биде најголемиот бран на иницијални јавни понуди од ерата на дот-ком компаниите, кон крајот на деведесеттите години од минатиот век.
„Спејс екс“ излегува на берза со целна вредност од 1,8 билиони долари, „Антропик“ со проценка од 965 милијарди долари, додека „Опен-еј-ај“ цели кон вредност од еден билион долари. Заедно, само овие три ИПO-а можат да внесат повеќе од 200 милијарди долари свеж капитал на пазарите.
За инвеститор од Балканот, од Адрија регионот, ова можеби е една од ретките прилики директно да учествува во компании кои ја создаваат новата слика на светот во кој влегуваме.
Раст на македонскиот БДП од 3,1 проценти во првото тримесечје
Македонскиот бруто-домашен производ порасна за 3,1 проценти во првото тримесечје од 2026 година во однос на првото тримесечје од 2025 година, соопшти Државниот завод за статистика.
„Во првото тримесечје од 2026 година, поголем пораст е забележан во секторите: градежништво од 7,2 проценти, стручни, научни и технички дејности и административни и помошни услужни дејности од 6,1 проценти“, соопшти ДЗС.
Оттаму доаваат дека финалната потрошувачка во првото тримесечје од 2026 година номинално расте за 7,3 проценти, а нејзиното учество во структурата на бруто-домашниот производ е 86,4 проценти.
Борба за „Адико банка“
„Рајфајзен банка“ (РБИ) објави значителен напредок во борбата за преземање на „Адико банка“, обезбедувајќи поддршка од акционери што поседуваат речиси 35 проценти од уделот. Според објавеното соопштение, австриската банкарска групација до 3 јуни во 9 часот собрала изјави за прифаќање за вкупно 6.775.823 акции, што одговара на удел од 34,75 проценти.
„Тоа вклучува 1.878.167 акции на ’Адико’ во сопственост на ’Алта груп’, што одговара на 9,63 проценти од сите издадени акции на ’Адико’“, објавија тие.
Овој развој на настаните дополнително го заострува наддавањето со словенечката НЛБ, која во понеделникот ја зголеми својата понуда на 33,5 евра по акција.
„Беркшир“ се збогува со прирачникот на Бафет
Ако се прашувате дали ерата на Грег Абел, која започна во компанијата „Беркшир Хатавеј“, ќе биде копија на годините под водство на Ворен Бафет, двата договора што Абел ги најави оваа недела во голема мера го даваат одговорот на тоа прашање. Се чини дека Абел има свои идеи.
И двете трансакции се изразито „не-бафетовски“. Пророкот од Омаха беше славно пребирлив. Бараше сигурни и високо профитабилни компании што може да ги купи по поволна цена, дури и ако тоа значеше натрупување готовина додека ја чека вистинската можност. Ниту една од новите зделки на Абел не се вклопува во тој Бафетов образец.
Како да купите крипто?
Криптото повеќе не е резервирано само за експерти. Денес постојат неколку едноставни начини за пристап до пазарот. Еден од начините за купување крипто денес е преку финтек-сервиси базирани на блокчејн-технологија.
Дознајте како функционираат криптопазарите, блокчејнот и дигиталните средства преку Блумберг Адрија Крипто едукација. ДОЗНАЈТЕ ПОВЕЌЕ.
.webp){kind=icon}
