text size
Хакери започнале бран софистицирани напади врз фирмите на Волстрит во последните денови, таргетирајќи ги информациските системи кај големите инвестициски фондови, според луѓе запознаени со ова прашање. Инцидентите го истакнуваат растечкиот ризик дека измамниците или злонамерните држави држави ќе ги искористат најсовремените технологии за да ги зголемат нападите, понекогаш барајќи откуп за да отклучат податоци или системи.
„Порано можеа да нападнат 50 субјекти во насочен напад, сега можат да загрозат 1.000“, велат експертите за сајбер-безбедност. „Хакерите исто така можат да слушаат телефонски повик и да го имитираат гласот, тонот и фразите на говорниците за да создадат лажни повици.“
Добро утро, ви пишува Игор Петровски од дигиталната редакција на „Блумберг Адрија“, ова се петте вести за почеток на денот:
Обновуваме фасади, менуваме столарија, климите работат, а и натаму ни е жешко. Каде грешиме?
Повеќето луѓе мислат дека зградите ќе се приспособат на климатските промени со подобра изолација, нова фасада или помоќни клима-уреди. Архитектите предупредуваат дека тоа не е доволно. Некои грешки направени во фазата на проектирање речиси е невозможно подоцна да се исправат, а токму зградите што денес ги градиме ќе се користат со децении, во клима што значително ќе се разликува од денешната.
Затоа сè почесто се поставува прашањето дали проектираме згради што ќе бидат еднакво функционални и за дваесет или триесет години или многу брзо ќе мора да ги приспособуваме на услови за кои никогаш не биле проектирани.
Борбата со климатските промени е инвестиција: едно вложено евро ќе врати десет
Според повеќе извештаи, Македонија е високо ранлива на природни и климатски закани (особено пожари, свлечишта и поплави), а потенцијалните трошоци од недејствување се значителни. Земјата има историја на разорни поплави и се соочува со сè почести екстремни временски настани, како поројни дождови и топлотни бранови. Климатските промени го загрозуваат пристапот до свежа вода, го зголемуваат ризикот од болести пренесени преку вода, а екстремните температури го зголемуваат морбидитетот и морталитетот.
Инвестирањето во климатска адаптација, иако е скапо, носи значајни придобивки. Пресметките покажуваат дека земјава треба да инвестира 6.4 милијарди американски долари во следната деценија за заштита од последиците на климатските промени, што е еквивалентно на 0.8–1.2 отсто од БДП годишно до 2050 година.
Париз се лади со помош на Сена. Истото тоа би можеле да го направат и хрватските градови со Сава, Драва и Јадранот
Европа и ова лето повторно е погодена од екстремни горештини. Нов топлотен бран зафати голем дел од континентот, а Франција во последните денови се бори со големи пожари на југот од земјата. Додека температурите уриваат рекорди, градовите сè повеќе бараат начини како да ги намалат последиците од сè потоплите лета.
Еден од примерите што во последните недели привлекува внимание доаѓа од Париз. Француската престолнина забрзано ја проширува мрежата за далечинско ладење, еден од најголемите вакви системи во Европа, која наместо илјадници поединечни климатизери, користи централно производство на енергија за ладење. Во тоа важна улога има и реката Сена.
Селфи-туризам: Зошто една фотографија може скапо да ве чини?
Постојат илјадници места на планетава каде што туристите ја бараат совршената фотографија, претворајќи ги највпечатливите светски дестинации во кулиси за социјалните мрежи.
„Луѓето само прелетуваат низ знаменитостите, ги штиклираат на списокот и ги пропуштаат вистинските приказни што стојат зад нив.“
Според Даниел Хершберг, докторанд по социоправни студии на Универзитетот во Оксфорд, кој го истражува туризмот, ваквото однесување е старо колку и самиот туризам.
Банкарите од Волстрит ќе добијат поголеми бонуси
Банкарите од Волстрит повторно ќе ги соберат плодовите од нестабилниот пазар. Се предвидува дека бонусите ќе се зголемат за 10 до 15 отсто или повеќе за инвестициските и комерцијалните банкари, бидејќи нивните резултати ги надминуваат другите сектори на финансии.
Трговците со акции и инвестициските банкари кои советуваат за спојувања и преземања ќе постигнат уште подобри резултати. Прогнозата доаѓа откако најголемите банки објавија рекордни заработки за вториот квартал, поттикнати од силното тргување со акции, советувањето и проценките на ризик.
.webp){kind=icon}
