Сојузот на синдикатите на Македонија денеска ќе држи отворена седница пред зградите на Собранието, Стопанската комора и Владата. ССМ излегува на протест на пладне, а причина за незадоволството е минималната плата која Владата ја усвои минатата недела. ССМ бараше 30.000 денари, владата утврди 22.300 денари.
Добро утро, ова се петте вести што се важни за почеток на денот
Трговска војна: Колку ќе нè боли „Денот на ослободувањето“ на Трамп?
Очите на светската јавност денеска ќе бидат свртени кон САД, кадешто се очекува претседателот Доналд Трамп да ги соопшти новите давачки коишто се централен дел на неговиот план за ребаланс на глобалната трговија.
Трамп веќе го означи 2 април како „Ден на ослободувањето“ (Liberation day) бидејќи новите давачки треба да го зајакнат американското производство, да обезбедат големи приходи во државната каса од кои би се финансирале домашните приоритети на САД и би довеле до намалување на даноците.
Македонските автомобилски компании се најмногу изложени на ризик од царините на Трамп
Глобалните акции во автомобилскиот сектор, производителите на челик и алуминиум и другите индустрии погодени од царините на Трамп паднаа за 20 отсто во изминатата година. Од друга страна, потенцијалните европски губитници од царините се држеа до пред еден месец. По најавата на Трамп, тој индекс моментално е намален за девет отсто.
Дури и кога Европа најавува значителни инвестиции како одговор на потезите на Трамп, индустриите веќе погодени од царините, особено автомобилскиот сектор, се соочуваат со дополнителни падови.
Марк Л. Ворсац: Политиките на Трамп предизвикуваат страдање кај бизнисите
Агресивната политика на новата администрација на Доналд Трамп, со најавата за царини и напади врз сојузничките земји, ја изненади и бизнис заедницата во САД. И ова е негативно, рече Марк Л. Ворсац, извршен директор на глобалната консултантска фирма „Андерсен“ на конференцијата на „Блумберг Адрија“.
„Бизнис заедницата во САД нема добро да одговори на ваквите постапки на администрацијата“, рече Марк Л. Ворсац.
ЕЦБ се подготвува за пауза
Неколку претставници на Европската централна банка сè уште се колебаат околу тоа дали да ги намалат каматните стапки следниот месец, според луѓе запознаени со ова прашање.
Креаторите на политиката, и тие кои се залагаат за поцврста монетарна политика и тие кои се за монетарно олеснување, размислуваат за пауза на состанокот на 17 април со оглед на зголемената неизвесност околу трговските политики на американскиот претседател Доналд Трамп и зголемените европски воени трошоци, велат луѓето, барајќи анонимност, повикувајќи се на доверливи дискусии.
„Волт“ започна со работа во Македонија
Со неколку стотици партнерски ресторани и трговци на мало и мрежа од неколку десетици курирски партнери глобално познатата компанија за испорака „Волт“ (Wolt), стартува со работа во земјава.
Од таму посочуваат дека по лансирањето во Скопје, планираат своите услуги да ги прошират и во други македонски градови.
.webp){kind=icon}
Во моментов нема коментари за веста. Биди прв да коментира...