Од ноќеска нафтените деривати во земјава имаат повисоки цени. Дизелот се продава за 85, 5 денари за литар или 14 денари повеќе од вчера. Бензините се поскапи за пет денари. Сликата на бензинските станици синоќа беше иста како во 2022 година – долги редици и многу нервоза. Иста е и реториката на политичарите – се е под контрола, имаме најевтини горива во регионот.
Добро утро, ова се петте вести што се важни за почеток на денот
Имаме јаз и во финансиите: Зошто Македонките инвестираат подоцна?
Иако зборуваме за родов јаз во многу области од социјалното и економско живеење, тоа за жал постои и во финансиите. Трендот е глобален. Во светло на Светскиот ден на жената, а во време кога на национално тло, за жал слушаме за физично насилство, заостанувањето на жените во однос на мажите во финансиите не е новина.
Охрабруваат некои позитивни промени, а причините не се толку суштински барем кога управувањето со финансиите е во прашање. За оваа тема на големо почна да се зборува и во Европската унија, а една од најголемите активистки е токму претседателката на Европската централна банка Кристин Лагард.
Акциите растат, а нафтата паѓа откако Трамп навести дека војната наскоро би можела да заврши
Волстрит во понеделникот навечер драматично закрепна поради надежта на инвеститорите дека десетдневната војна со Иран се ближи кон крајот. Цената на нафтата падна откако претходно во текот на денот ја надмина границата од 100 долари.
S&P 500 порасна за 0,8 проценти откако американскиот претседател Доналд Трамп изјави за „Си-би-ес“ дека конфликтот е „практично завршен, главно“ и дека воената операција е „многу далеку“ пред почетниот временски распоред од четири до пет недели.
Земјите од Г7 не се подготвени за пуштање нафта од резервите
Според Франција, која моментално претседава со Г-7, земјите сè уште „не се подготвени“ во однос на организирање глобално пуштање на итните резерви на нафта како одговор на војната со Иран. Францускиот министер за финансии Роланд Лескјур зборуваше по виртуелна средба за да се дискутира влијанието на војната врз енергетските пазари.
„Се договоривме внимателно да ја следиме ситуацијата, подготвени сме да ги преземеме сите неопходни мерки, вклучително и користењето на стратешките резерви за стабилизирање на пазарот,“ рече тој по виртуелната средба на министрите за финансии на Г-7.
Растат цените на земјоделските култури - војната е ризик за снабдувањето
Цените на палминото и соиното масло нагло пораснаа, а пченицата се задржа близу највисокото ниво во речиси две години, бидејќи војната на Блискиот Исток ги зголемува трошоците за енергенти и ѓубрива и се заканува да гои заостри снабдувањето на земјоделските пазари.
Прекините во снабдувањето со сурова нафта предизвикани од конфликтот ја зголемуваат привлечноста на биогоривата добиени од земјоделски култури, што ја подига побарувачката за растителни масла и пченка. Ефективното затворање на Ормускиот теснец - главен канал за трговија со ѓубрива - исто така ги зголеми цените на хранливите материи за земјоделските култури, бидејќи земјоделците брзаат да обезбедат залихи. Во исто време, загриженоста за безбедноста на храната во услови на војна може да ги поттикне некои земји да создадат резерви од основни производи како пченица.
Каква врска има серијата „Индустрија“ со документите на Епстајн?
Во февруари 2011 година, двајца вработени во „ЏП Морган“ (JPMorgan Chase & Co.) разговарале за една епизода од серијата „Ред и закон: Одделение за специјални жртви“ (Law & Order: Special Victims Unit). Епизодата со наслов „Лет“ („Flight“) се занимавала со измислен богат бизнисмен од одбранбената индустрија, Џордан Хејс, обвинет за сексуална злоупотреба на тинејџерка. На банкарите им било јасно на кого мислеле сценаристите: Џефри Епстајн.
„Го впишав ‘СВУ’ (Special Victims Unit - Одделение за специјални жртви) и неговото име, и ми излезе приказна на „Гавкер“ (Gawker): ‘Закон и ред“ ја одбележува склоноста на Епстајн кон тинејџерски проститутки’“, напишал еден од нив во мејл.
.webp){kind=icon}
