Цената на нафтата денеска доживеа силни турбуленции. Откако во петокот тргувањето затвори на близу 93 долари за барел, работната недела почна бурно. До утрово по европско време цената се доближи до 120 долари, а веќе во вечерните часови повторно падна на две цифри, и во моментот на пишување на овој текст, околу 21 часот, изнесуваше нешто над 87 долари за барел што е под цената во петокот.
Во Македонија турбуленциите најмногу ги чувствуваат вработените на бензинските станици. Во текот на викендот, според извори од нафтениот бизнис, продажбите двојно се зголемија. А денеска на многу продажни места дизел веќе не се продаваше затоа што тоа е дериватот кој најмногу се трошеше во деновите од викендот. Дел од бензинските останаа затворени во текот на викендот.
„Имам план за сè,“ изјави Трамп за „Њујорк пост“ во понеделникот, осврнувајќи се на скокот на цените на нафтата. „Ќе бидете многу задоволни.“
пред 3 часа
„Се договоривме внимателно да ја следиме ситуацијата, подготвени сме да ги преземеме сите неопходни мерки, вклучително и користењето на стратешките резерви за стабилизирање на пазарот,“ рече францускиот министер за финансии Роланд Лескјур.
пред 6 часа
Цените на палминото и соиното масло нагло пораснаа, а пченицата се задржа близу највисокото ниво во речиси две години, бидејќи војната на Блискиот Исток ги зголемува трошоците за енергенти и ѓубрива
пред 7 часа
Литар дизел од ноќеска на полноќ ќе чини 85,5 денари и ќе биде поскап од литар еуросупер.
пред 8 часа
За време на пандемијата, луѓето буквално плаќаа за да се ослободат од нафтата бидејќи не можеа да ја складираат, но оние што имаа храброст да купат кога беше на дното и да чекаат до крајот на годината заработија повеќе од 200 проценти.
пред 10 часа
Александар Димитриоски/Bloomberg Adria
Прочитај повеќе
Трамп вели дека има план, а војната предизвикува турбуленции на пазарот на нафта
Земјите од Г7 не се подготвени за пуштање нафта од резервите
Растат цените на земјоделските култури - војната е ризик за снабдувањето
Дизелот поскапе за 14,5 денари, бензините за пет
Нафтата оди нагоре и надолу. Можете и да заработите од тоа
Александар Димитриоски/Bloomberg Adria
А од полноќ дизелот поскапува за 14,5 денари. Од 71 денар за литар цената се качува на 85,5 денари. Бензините поскапуваат за пет денари и ќе се продаваат по цена од 79,5 за БС 95 и 81,5 денари за литар за БС 98.
Александар Димитриоски/Bloomberg Adria
Денешното големо поскапување, посебно на дизелот, е резултат на одлуката на Регулаторната комисија за енергетика да ја укине одлуката донесена во време на енергетската криза во 2022 година според која цените се менуваа секогаш кога промената требаше да биде поголема од два денари за литар. Со бришењето на кризната одлука, РКЕ во иднина ќе одржува седници само во понеделник што значи дека не е исклучено да има и нови ценовни шокови.
Владата најави дека е подготвена да усвои мерки за заштита на животниот стандард на граѓаните.
„Доколку има драматичен скок на цената на нафтата и нафтените деривати, Владата веднаш ќе интервенира, уште на следната седница. Имаме неколку опции – намалување на акцизата или на ДДВ. Апсолутно ќе застанеме во одбрана на стандардот на граѓаните“, изјави премиерот Христијан Мицкоски викендов.
Александар Димитриоски/Bloomberg Adria
Тој уште потенцираше дека во земјава дериватите се со најниски цени во однос на сите земји од регионот.
„Граѓаните треба да бидат спокојни. Кај нас цената е значително пониска од онаа во соседството. Ако литар во Србија е околу 120 денари, кај нас е околу 70 денари, а слична е состојбата и во споредба со Косово и Албанија“, изјави премиерот Мицкоски.
Исти редици пред бензинските и иста реторика како во 2022 година
Иако Владата не е, реториката е иста како во 2022 година кога почна руската инвазија врз Украина и почна тогашната енергетска криза. Тогаш исто така во краток рок цените на дериватите драматично се зголемија, а тогашната влада интервенираше во акцизата и ДДВ за да го ублажи шокот. Тогаш и РКЕ почна да прави пресметки на дневно ниво за да нема големи осцилации на цените.
И на почетокот на март 2022 година пред бензинските имаше долги редици за да се купи гориво по пониска цена. Премиерот и тогаш смируваше дека државата има доволно деривати.
„Во однос на она што се случуваше вчера сакам да упатам апел до граѓаните да не подлегнуваат на никакви шпекулации, да не подлегнуваат на паника со оглед на тоа дека во државата има доволно количини на нафта и нафтени деривати. Упатувам апел до трговците со нафтени деривати да не ги ограничуваат количините кои ги продаваат на бензинските пумпи. Дел од нив тоа го имаат направено вчера за да ги сочуваат своите количини кои ги имаат набавено од шпекулативни причини. Тоа е класично воено профитерство“, изјави тогашниот премиер Димитар Ковачевски на 4 март 2022 година.
„Поради одлуките кои што ги донесовме во однос на скалестото намалување на акцизата и намалувањето на ДДВ, во регионот ние имаме најниска цена на нафта и нафтени деривати. Било каде да отидете нема да најдете поевтина цена“, изјавуваше тогаш Ковачевски.
Александар Димитриоски/Bloomberg Adria
Цените на дериватите во 2022 година беа една од главните причини инфлацијата да забрза и да стигне до близу 20 отсто. До крајот на 2025 година инфлацијата не се врати на целните два отсто, минатата година таа изнесуваше 4,1 отсто. Според Државниот завод за статистика, во февруари годинава инфлацијата забави на 2,9 отсто, но уште сега е јасно дека овој тренд ќе биде со краток здив.
.webp){kind=icon}
