.webp){kind=icon}
Регионот треба да работи на подобрување на синџирот на снабдување со Европската Унија (ЕУ), бидејќи далечните пазари за снабдување се покажаа како неодржливи, изјави вицепремиерот задолжен за економски прашања, Фатмир Битиќи, на Бизнис форумот, што се одржува во Хрватска. Тој смета дека регионот треба да ги искори можностите за да може заеднички да напредува.
„Треба да гледаме кон регионалната конкурентност, наместо кон регионалната конкуренција да создадеме пазар што ќе ги компензира производите што доаѓаат од тие далечни земји и ќе стане силен и сигурен партнер за целата Европска унија“, истакна Битиќи.
Влада
Вицепремиерот смета дека треба да се искористи искуството на Хрватска, како членка на ЕУ, со цел побрзо интегрирање на Македонија, но и другите држави од регионот во Унијата.
„Одлично е што денес овде имаме претставници од коморите, кои верувам дека можат да ја интензивираат соработката меѓу бизнисите во Хрватска и Северна Македонија, бидејќи преку формализиран пристап од двете страни ќе има поголема двонасочна комуникација и убеден сум дека таа би била плодна, бидејќи преку системско и темелно артикулирање на барањата на компаниите можат да се најдат соодветни решенија за надминување на предизвиците“, заклучи Битиќи.
Влада
Бизнис форумот е во организација на Хрватската стопанска комора, а покрај Хрватите учествуваат и претставници од Стопанската комора на Македонија, Стопанската комора на Северозападна Македонија, Сојузот на стопански комори и голем број компании од двете земји, кои ги претстајвуваат можностите и условите за инвестирање во Македонија.
