Голдман: ЕЦБ ќе ги зголеми каматите за 75 базични бодови

Европската централна банка (ЕЦБ) веројатно ќе ја зголеми каматната стапка за 75 базични бодови на состаноците во октомври и декември, сметаат од „Goldman Sachs Group Inc“.

Економистите претходно очекуваа умерено зголемување на каматната стапка од 50 базични бодови на последниот состанок на ЕЦБ. „Веруваме дека растечката инфлација во четвртиот квартал ќе го отежни забавувањето на темпото на раст“, велат од „Goldman Sachs Group Inc“.

Освен тоа, „Goldman Sachs Group Inc“ предвидува зголемување од 50 базични бодови во февруари следната година, што всушност претставува два пати повеќе од претходната прогноза. „Како што политиката станува се порестриктивна, инфлаторните бројки ќе се стабилизираат и ќе стане јасно дека еврозоната е во рецесија“, велат економистите.

ЕЦБ веќе ги зголеми трошоците за позајмувања за вкупно 125 базични бодови на последните два состаноци, од кои месецов зголемувањето беше историски високо од 75 базични бодови. Прашањето е како да се постапи со оглед на тоа што растот на цените го следи се поголема веројатност за рецесија. Инвеститорите на пазарот на пари предвидуваат дека ЕЦБ ќе реализира уште едно зголемување на каматите за три четвртини во октомври, при што депозитната стапка, која што моментално изнесува 0,75 отсто, ќе порасне на повеќе од 2 проценти до крајот на годинава.

Во моментов нема коментари за веста. Биди прв да коментира...

Остави коментар