.webp){kind=icon}
И покрај лошите прогнози за економијата на еврозоната, Европската централна банка (ЕЦБ) ќе биде принудена да продолжи да ги зголемува каматните стапки, вели економистката од Германија, Изабел Шнабел, инаку членка на извршниот одбор на Централната европска банка.
Во интервју за германскиот портал t-online, Шнабел појаснува дека поголеми се изгледите за економска стагнација, пред да дојде до рецесија конкретно меѓу 19-те членки на Европската унија кои се дел од еврозоната, додека за Германија вели дека ќе има тешкотија да избегне контракција.
Иако инфлацијата е на највисоко ниво од воведувањето на еврото како валута и е пет пати повисока од целта на ЕЦБ (од 2 отсто), таа веројатно сè уште не е на својот врв.
Прочитај повеќе
ФЕД ја зголеми каматната стапка за уште 75 базични поени
Ова е трето последователно зголемување од страна на централната банка на САД, а се предвидува дека покачувањето ќе достигне 4,6 отсто во 2023 година.
21.09.2022
'Голдман Сакс' ги подигна прогнозите за следните зголемувања од ФЕД
Економистите од „Голдман Сакс“ ги зголемија прогнозите за темпото на покачување на каматните стапки од страна на Федералните резерви.
22.09.2022
ФЕД сигнали: Рецесијата може да биде алтернатива за инфлацијата
„Никој не знае дали овој процес ќе доведе до рецесија или колку би била значајна таа рецесија“, им рече Пауел на новинарите
22.09.2022
Банката на Англија ги зголеми каматните стапки за половина поен
Банката на Англија (BOE) направи втор последователен пораст за половина процентен поен (50 базични поени) во својата борба за намалување на инфлацијата.
22.09.2022
'Dr. Doom' Рубини очекува долга и грда рецесија
Вредноста на акциите би можела да падне за дури 40 отсто, смета економистот, кој правилно ја предвиде последната финансиска криза.
21.09.2022
„Претстојниот пад би имал задушувачки ефект врз инфлацијата“, вели Шнабел. „Се разбира, тоа го земаме предвид кога ја калибрираме нашата монетарна политика. Во исто време, почетната точка е многу ниска, така што е многу веројатно дека ќе мора да продолжиме да ги зголемуваме каматните стапки“, додава таа.
Изабел Шнабел, извор: Алекс Краус / Bloomberg
Додека луѓето се загрижени и стравуваат дека инфлацијата ќе ја надмине среднорочната цел, поважно е да се испрати јасна порака до граѓаните и да се уверат дека можат да се потпрат на ЕЦБ и дека растот на цените повторно ќе почне да стагнира, посочува Шнабел.
ЕЦБ оди по „тенка линија“, како што објасни оваа недела потпретседателот на банката, Луис де Гвиндос, а официјалните лица се согласуваат дека треба да се фатат во костец со инфлацијата, но се двоумат поради ризикот од влошување на и онака мрачните изгледи за раст на европската економија, доколку каматните стапки се зголемат премногу или пребрзо.
Анализата на Шнабел доаѓа во светло на зголемувањето на стапките од страна на Федералните резерви за 75 базични поени во текот на вчерашниот ден.
Во исто време, не одат во прилог ниту прогнозите на „Дојче банк“ (Deutsche Bank), која најавува лоши економски перспективи за еврозоната и многу подлабока рецесија на повидок, што секако е предизвикано од Русија поради преполовените испораки на енергенси, како одмазда за санкциите воведени од Европа.
Остануваат пет недели до новото евентуално соопштение за зголемување на каматните стапки, а Управниот совет на ЕЦБ не сака да ги открие своите планови.
„Очекувам Управниот совет на ЕЦБ да продолжи со зголемување на каматната стапка на следниот состанок“, вели Шнабел. „Она што не можам со сигурност да го предвидам е колкаво ќе биде зголемувањето или кое е горното ниво на кое ќе запре. Врз основа на сите економски показатели и податоци за инфлацијата, одлучуваме состанок по состанок“, објаснува таа.
