.webp){kind=icon}
Економијата на приватниот сектор во еврозоната неочекувано се врати со раст на почетокот на 2023 година, охрабрувачки вести што можеби сугерираат дека регионот е подготвен за т.н. меко приземјување.
Индексот на „СП глобал“ (Purchasing Managers’ Index) во јануари се искачи на 50,2, што е подобро од 49,8, колку што се предвидуваше во истражувањето на „Блумберг“, и првпат од јуни мерачот е над прагот од 50, што е граница меѓу раст и контракција.
Еворозоната неочекувано сврте кон раст
Bloomberg Mercury
Различни фактори, вклучувајќи ги и забавувањето на инфлацијата, топлата зима во Европа и олеснувањата на ограничувањата во синџирот на снабдување, го разгоруваат оптимизмот во валутната зона со 20 земји-членки.
Иако стабилизирањето на економијата дава сигнали дека регионот може да избегне рецесија, „тој во никој случај не е надвор од шумата“, вели Крис Вилијамсон, главен деловен економист во „СП глобал“ (S&P Global Market Intelligence).
„Побарувачката продолжува да опаѓа и растот на стапката на инфлација на продажните цени за стоките и за услугите ќе додаде охрабрување кај јастребите да извршат притисок за дополнително затегнување на монетарната политика“, рече тој.
Европската централна банка (ЕЦБ) веќе ги зголеми каматните стапки за 250 базични поени и е насочена кон уште едно зголемување за половина поен следната недела. Што ќе се случува потоа сè уште е нејасно, бидејќи некои фунционери притискаат за постепен пристап, додека јастребите во Управниот совет повикуваат на „значајни“ потези.
Повисоки плати
„Аргументот за повисоки каматни стапки е дополнително поттикнат од растот на вработеноста забележан во текот на месецот и знаците за повисоки плати, кои го поттикнаа најновиот раст на ценовните притисоци“, нагласува Вилијамсон.
Но не се позитивни сите податоци. Претходно објавените читања за двете најголеми економии во еврозоната - Германија и Франција - сè уште беа под 50.
Бројките за Јапонија покажаа дека приватниот сектор се врати на раст во почетокот на 2023 година, додека Австралија забележа четврта последователна месечна контракција, иако на поплитко ниво. Контракции се предвидуваат и за Велика Британија и САД.
