.webp){kind=icon}
Еврозоната е на пат да избегне рецесија по неочекуваниот раст на крајот на 2022 година, и покрај двоцифрената инфлација и руската инвазија на Украина.
Бруто домашниот производ се зголемил за 0,1 отсто во последниот квартал, објави Евростат во вторникот, што е спротивно од прогнозите на економистите за пад од 0,1 отсто. Додека германското и италијанското производство се намалија, Франција и Шпанија забележаа експанзија. Во понеделникот и во Ирска имаше податоци посилни од очекуваното.
БДП во четвртиот квартал ја подели економијата во еврозоната
Еврозоната, која се прошири на 20 земји кога Хрватска се приклучи на 1. јануари, се соочи со рекорден скок на цените предизвикани од порастот на трошоците за енергија како последица од војната. Владите се обидоа да ја надоместат штетата за домаќинствата и фирмите, давајќи помош од милијарди евра. Благата зима, исто така, помогна да се смират енергетските пазари.
Растот ја нагласува отпорноста на еврозоната по надминувањето на ризиците од недостиг на енергенти. Сепак, економистите исто така предвидуваат дека производството ќе се намали во првиот квартал, така што блокот сè уште не е на чисто.
Меѓу неповолните ветрови се зголемените трошоци за позајмување, кои не се целосно филтрирани, додека потрошувачите во некои земји и натаму ќе имаат поскапи сметки за енергија.
Сепак, се предвидува дека инфлацијата значително ќе се намали, можеби порано отколку што се мислеше, благодарение на падот на цените на природниот гас. Пазарот на трудот исто така досега добро се држи.
Што вели Bloomberg Economics...
„Постојаното притискање врз моќта за трошење на домаќинствата значи дека економијата на еврозоната може да се намали во првиот квартал. Со намалувањето на трошоците за енергија, големата слика е дека секој зимски пад веројатно ќе биде плиток. Економијата што се држи подобро отколку што се стравуваше значи дека ЕЦБ може да остане фокусирана на справување со високата и постојана инфлација“.
- Џејми Раш, главен европски економист
Резултатите кои се подобри од очекуваните веројатно ќе го зацврстат патот на Европската централна банка (ЕЦБ) за зголемување на каматните стапки. Официјалните лица сметаат дека инфлацијата е поголема закана за континентот од она што тие го гледаат како благо економско забавување.
