.webp){kind=icon}
Планираното даночно олеснување за некои од најбогатите луѓе во Данскќе го влоши родовиот јаз во платите, кој веќе е поголем споредено со другите нордиски земји.
Данските мажи ќе добијат вкупно 2,33 милијарди долари дополнителен приход оваа година од новиот предлог за данок за високите заработувачки, додека жените ќе добијат околу 630 милиони долари. Ова го покажуваат пресметките на Министерството за финансии, кои се направени на барање на претставници од опозициската партија Црвено-зелена алијанса.
Данска, која често се гордее со тоа дека е пионер во еднаквоста, се рангираше на само 32-то место во минатогодишниот извештај за глобалниот јаз меѓу половите на Светскиот економски форум. Сите други нордиски нации се во групата пет најдобри. Исто така, таа е единствената земја од ЕУ каде што луѓето кои веруваат дека владата треба да преземе мерки за намалување на нееднаквоста во приходите се малцинство, покажува истражувањето на Евробарометар минатиот месец.
Bloomberg
Министерството користеше податоци за полот и платите од националниот завод за статистика на земјата за да процени колку од планираните даночни намалувања ќе бидат од корист за мажите и жените, соодветно. Бидејќи во оваа нордиска земја има повеќе мажи со високи приходи отколку жени, даночното олеснување, само по себе, ќе го зголеми родовиот јаз во платите.
Данската коалициска влада, која ги вклучува и партиите од левиот центар и десниот центар, планира да ги намали даноците на годишниот бруто приход кој надминува 100.000 долари за 7,5 процентни поени. Со предлогот, разликите во приходите ќе се зголемат за 0,93 процентни поени според Џини коефициентот, соопшти Министерството за финансии.
За да се ублажат некои од овие ефекти, владата предлага и нов данок наменет за најбогатите со годишен приход над 360.000 американски долари
