Германските компании не гледаат докази дека најголемата европска економја би можела да оствари раст, покажа истражувањето на Здружението на германските индустриски и трговски комори - ДИХК (DIHK). Здружението соопшти дека одговорите од 21.000 компании укажуваат оти менаџерите не гледаат знаци на забрзување, по два квартала без раст.
„Компаниите покажаа ретка отпорност и покрај постојано високите цени на енергијата, зголемените каматни стапки и војната во Украина“, рече во понеделникот Илја Нотнагел, главен извршен директор на ДИХК. „Сепак, изгледите за следните 12 месеци остануваат матни, особено бидејќи нарачките значително се намалуваат“.
Здружението предвидува нулта раст во 2023 година, што е попесимистичка перспектива од прогнозата на Европската комисија, која минатиот понеделник објави дека очекува раст од 0,2 отсто.
Прочитај повеќе
Германскиот DAX кон рекорд по растот на европските акции
Германскиот индекс DAX беше насочен кон рекордно високо затворање, следејќи ги сличните достигнувања остварени годинава oд други европски индекси.
19.05.2023
Германија предупредува дека енергетската криза можеби сè уште не е завршена
Германското комунално претпријатие предупреди дека Европа можеби не го видела крајот на енергетската криза.
10.05.2023
Најголем пад на индустриските нарачки во Германија од април 2020
Нарачките за германските фабрики паднаа најмногу од периодот на пандемијата.
05.05.2023
Оваа недела е посветена на здравјето на германската економија. Во наредните денови треба да бидат објавени резултатите од анкетата на менаџерите за набавки, со која институтот „Ифо“ (Ifo) го мери нивото на деловната доверба, додека економистите предвидуваат влошување. Потоа, в четврток, втората процена на бруто-домашниот производ ќе покаже дали неочекувано слабото индустриско производство во првите три месеци од оваа година ја турна земјата во рецесија. Повеќето економисти сè уште проценуваат дека економијата стагнира, а не се намалува.
Движење на расположението во германската економија
Bloomberg
Бундесбанк ќе го објави својот месечен извештај в среда и ќе ги ажурира инвеститорите за процените за растот, а оваа недела се очекува и клучниот говор на нејзиниот претседател Јоаким Нагел.
Истражувањето на ДИХК покажа дека цените на енергијата и суровините и натаму се најголем ризик за компаниите, додека недостигот на квалификувани работници е следната најголема опасност. Заедно со инфлацијата, повеќе од половина од испитаниците го сметаат за закана.
„Со оглед на стареењето на општеството, недостигот од квалификувани работници ќе остане еден од главните структурни предизвици за компаниите“, рече Нотнагел.
.webp){kind=icon}
