Европската централна банка (ЕЦБ) ќе ги зголеми референтните стапки за дополнителни 25 базични поени на состанокот денеска, очекува аналитичкиот тим на „Блумберг Адрија“. Фактот што еврозоната влезе во техничка рецесија во првиот квартал од оваа година не треба да ја оддалечи ЕЦБ од трендот на затегнување, особено што економската активност, иако слаба, сè уште не е во рецесија, смета главниот аналитичар Андреј Кнез. Состанокот на челниците на ЕЦБ е закажан за денеска, а пред него и пред закажаната прес-конференција, ние анализираме кои се очекуваните потези.
Bloomberg Mercury
„И покрај забавувањето на растот на потрошувачките цени, особено на цените без категориите храна и енергија, сигналите од лидерите на ЕЦБ во последно време се насочени кон дополнително зголемување на каматните стапки“, вели Андреј Кнез, главен аналитичар на „Блумберг Адрија“. „Покрај тоа, последните показатели за расположението во услужниот сектор на еврозоната сугерираат дека европската економија би можела да издржи дополнително затегнување. Сепак, преработувачката индустрија е во послаба состојба, што бара детално мерење на ЕЦБ за дополнително затегнување“.
Bloomberg Mercury
Покрај поместувањето на каматните стапки, фокусот ќе биде и на сите новости за квантитативно олеснување. Додека ЕЦБ има цел да го намали своето портфолио на обврзници, вели Кнез, таа истовремено е ангажирана со реструктурирање што е на штета на некои издавачи, а во корист на други. „Може да се каже дека товарот на монетарното приспособување досега најмногу го носеа германските и француските обврзници, бидејќи кога станува збор за нив, ЕЦБ најмалку реинвестираше во портфолиото во последните месеци“.
Инаку, обврзниците на Италија и на Шпанија денес се поприсутни во портфолиото на европскиот монетарен регулатор (ЕЦБ н.з.), дури и нешто повеќе од пред три месеци.
Кнез вели дека ваквиот тренд е неодржлив и извесно е дека во наредните месеци дури и должниците од еврозоната со полоши кредити ќе бидат погодени од квантитативно затегнување. „Идејата на ЕЦБ е да се намали вишокот на ликвидност во еврозоната, поради што централните банки во системот на ЕМУ во моментов имаат значителни загуби, бидејќи комерцијалните банки им го закупуваат овој вишок ликвидност со високи каматни стапки“, додава тој.
.webp){kind=icon}
