На повидок е олеснување за тешко притиснатите британски домаќинства, затоа што бројките што ќе бидат објавени следната недела се очекува да покажат дека платите наскоро ќе растат побрзо од цените за прв пат по речиси две години.
Просечната заработка без бонусите се зголеми за 7,3 отсто заклучно со јуни, што е многу малку под стапката на инфлација од 7,9 отсто, стои во прогнозите на „Блумберг Економикс“ направени пред официјалните податоци за пазарот на трудот кои ќе бидат објавени на 15 август.
Bloomberg
Податоците кои еден ден подоцна ќе ги објави од Банката на Англија (БоЕ) се предвидува да покажат дополнителен пад на инфлацијата до 6,8 отсто во јули, откако регулаторот за енергетика го намали највисокиот износ за гас и струја што го плаќаат домаќинствата. Тоа значи дека растот на платите може да ја надмине инфлацијата за прв пат од септември 2021 година, додека незадоволните работници продолжуваат да бараат зголемување на платите.
Моментот ќе го прослави конзервативната влада на Риши Сунак, на која и требаат добри економски вести по неколкумесечни растечки стапки на хипотекарните стапки и штрајкови во јавниот сектор. Премиерот ја стави својата репутација на ризик за да ја врати изгубената потрошувачка моќ додека се обидува да го надмине огромното водство на опозициските лабуристи во анкетите.
Со дополнителното паѓање на цените на енергијата во октомври, инфлацијата сега е на пат да ја заврши годината на 4,9 отсто, покажуваат прогнозите. Ова ќе му овозможи на Сунак да го исполни своето ветување дека ќе ја преполови инфлацијата оваа година.
Bloomberg
Со оглед на тоа што општите избори се очекуваат на крајот на следната година, Сунак има малку време да ги промени работите. Најлошиот удар врз инфлацијата во последните децении предизвика пад на реалните плати за околу четири отсто во последните две години.
Додека економистите сега очекуваат стабилно закрепнување, животниот стандард сепак, најверојатни нема да биде повисок во 2026 година отколку во почетокот на 2022 година - пред руската инвазија на Украина вртоглаво да ги покачи цените на енергијата.
Ризикот дека закрепнувањето би можело да биде попречено беше нагласен во средата, кога европските фјучерси за природен гас скокнаа дури за 40 отсто и ги обновија нервозите поради потенцијалните нарушувања на снабдувањето.
Bloomberg
За многумина, секоја добивка од враќањето на реалниот раст на платите веројатно ќе биде проголтана од поскапите станбени кредити и кирии. Тоа сепак би можело да ја отежне ситуацијата на БоE, која досега има 14 последователни зголемувања на каматните стапки во битката да ја врати инфлацијата на целта од два отсто.
Што велат од „Блумберг Економикс“...
„Доколку номиналниот раст на платите ја надмине инфлацијата во втората половина од годината, како што очекуваме, ќе биде важно да се запамети контекстот - реалните плати сè уште се далеку под нивоата што преовладуваа пред растот на цените. Од перспектива на Банката на Англија, се надеваме дека поголемата моќ на трошење нема да дојде рака под рака со зголемување на потрошувачката. Ако тоа се случи, ќе ги уништи сите надежи дека циклусот на затегнување е речиси завршен“.
- Ден Хансон, виш британски економист
Почнувајќи го циклусот за објавување на важни податоци во август, Канцеларијата за национална статистика денеска ќе ја објави својата прелиминарна проценка за бруто домашниот производ за вториот квартал.
Според Хансон и Ана Андраде од „Блумберг Економикс“, знаците укажуваат на стагнација за разлика од прогнозата на БоE од каде минатата недела прогнозираа раст од 0,1 отсто. Само јуни се очекува да забележи скромен раст откако во мај имаше уште еден дополнителен неработен ден по повод крунисувањето на кралот Чарлс III.
Bloomberg
Среднорочните прогнози ја отежнуваат задачата на Сунак за подобрување на животниот стандард, бидејќи повисоките каматни стапки и слабиот раст на продуктивноста делуваат како кочници за економијата.
БоE очекува економијата целосно да се опорави на нивото од пред пандемијата во третиот квартал - меѓу последните големи индустријализирани економии што го сториле тоа - и потоа да стагнира. Од „Блумберг економикс“ се попесимисти, предвидувајќи блага рецесија која ќе започне кон крајот на 2023 година и која до 2026 година ќе го задржи БДП под нивото од пред пандемијата во 2019.
.webp){kind=icon}
