„Виз ер“ (Wizz Air Holdings Plc) ќе намали 5 проценти од својот капацитет за време на шпицот во летниот период на патување за да го намали негативното влијание од кадровската криза што ја измачува индустријата.
Намалувањата на нискобуџетната авиокомпанија дополнително ќе придонесе кон пореметувањата на патувањата низ Европа, откако компаниите како „Бритиш Ервејс“, „КЛМ“ и „Дојче Луфтханза АГ“ исто така откажаа повеќе летови.
„Виз ер“ соопшти дека очекува да објави оперативна добивка во кварталот што завршува во септември по порастот на цените на билетите. Факторите на оптоварување на превозникот заклучно со јули беа над 90 проценти и се очекува поголемата искористеност на флотата да помогне во намалувањето на трошоците.
Компанијата, кој се фокусира во Источна Европа, исто така беше погодена од руската инвазија на Украина што предизвика намалена побарувачка за летови во регионот и ја натера да ги прераспореди капацитетите на други места во Европа.
.webp){kind=icon}