Инфлацијата во Британија најниска во две години

Цените на бензините и храната во ноември доведоа до најниска инфлација во Британија во повеќе од две години, намалувајќи дел од притисокот врз домаќинствата пред Божиќ.

Потрошувачките цени пораснале за 3,9 отсто на годишно ниво, наспроти 4,6 отсто во октомври, покажуваат податоците на Државниот завод за статистика. Забавувањето е многу поголемо од очекувањата на економистите, кои прогнозираа дека инфлацијата ќе биде на ниво од 4,3 проценти.

Ова беше првпат инфлацијата на цената на храната - еден од најголемите двигатели на кризата за трошоците на животот во Британија - да биде едноцифрена од јуни 2022 година.

Дополнителни докази дека кризата за трошоците на животот се ближи кон крајот може да ги зголеми пазарните шпекулации дека Банката на Англија (БоЕ) ќе се сврти кон намалување на каматните стапки до пролет следната година.

Фунтата продолжи да паѓа по податоците и падна за цели 0,6 отсто на 1,2658 долари.

Инвеститорите во моментов очекуваат намалување на стапката од дури 1,25 отсто во 2024 година, и покрај тоа што гувернерот на БоЕ, Ендрју Бејли, продолжува да вели дека централната банка треба да ги одржува стапките повисоки подолго време. Инфлацијата сè уште е речиси двојно поголема од целта на БоЕ од два процента.

Во моментов нема коментари за веста. Биди прв да коментира...

Остави коментар