Во јануари 2024 година цената на маслиновото масло во ЕУ била за 50 проценти повисока отколку во јануари 2023 година, соопшти „Евростат“.
„Цената на маслиновото масло вртоглаво порасна во втората половина на 2023 година, со пораст од 37 проценти во август (во споредба со август 2022 година). Овој тренд се забрза во септември (44 проценти) и октомври (50 проценти). Врвот на годишната стапка на промена се случи во ноември 2023 година (51 процент) во споредба со ноември 2022 година). Во декември имаше мало забавување, бидејќи цените беа за 47 проценти повисоки (во споредба со декември 2022 година)“, наведуваат од „Евростат“.
Оттаму додаваат дека во јануари 2024 година, сите земји на ЕУ пријавиле зголемување на годишната инфлација на маслиновото масло. Најголем пораст е забележан во Португалија (69 проценти во споредба со јануари 2023 година), по која следуваат Грција (67 проценти) и Шпанија (63 проценти). Спротивно на тоа, најниски поскапувања се забележани во Романија (13 проценти), Ирска (16 проценти) и во Холандија (18 проценти).
Според податоците на „Евростат“, маслиновото масло во Македонија во јануари годинава поскапело за 21,4 процент. Поскапувања има и во другите земји од регионот. Имено, во Србија цената на маслиновото масло во јануари била поголема за 21,6 процент во однос на истиот месец претходната година, во Хрватска за 44 проценти, во Словенија за 36,9 проценти.
.webp){kind=icon}
