Швајцарската народна банка со промени за банкарските депозити

Швајцарската народна банка (СНБ: од англиски - Swiss national bank) ќе го намали прагот на факторот за прeсметка на камата на депозитите по видување - приспособувајќи колку камата заработуваат банките за депонираната готовина од 1 октомври. Факторот што одредува кој дел од депозитите по видување на банките ја акумулира целосната каматна стапка на СНБ ќе се намали на 22 пати од нивната минимална задолжителна резерва од 25 пати, колку што е сега, се наведува во соопштението објавено во понеделникот.

Централната банка на Швајцарија ги зголеми минималните барања од јули - чекор што го подигна износот до кој се заработува целосна камата од 1,25 процент, бидејќи горниот праг е повеќекратен од минималните резерви. Потегот од понеделникот делумно го менува ова со намалување на факторот на множење.

Депозитите по видување што се чуваат како минимални резерви не заработуваат камата, додека депозитите што го надминуваат прагот добиваат камата по висина на основната стапка на СНБ, намалена за половина поен. Таа во моментов изнесува 0,75 проценти.

Со промената, официјалните лица на банката „обезбедуваат спроведувањето на монетарната политика да остане ефективно и да го поддржува активниот пазар на пари“, соопшти СНБ. „Приспособувањето нема никакво влијание врз тековната позиција на монетарната политика.