Економското расположение во еврозоната порасна втор месец по ред благодарение на подобрата состојба во индустријата и услужниот сектор, покажуваат податоците.
Индексот што го мери економското расположение се зголеми од 96 поени во јули на 96,6 поени во август, покажуваат податоците на Европската комисија. Тоа е повеќе од очекувањата на аналитичарите анкетирани од „Блумберг“.
Bloomberg
Иако индексите што ги мерат индустријата и услугите пораснаа, расположението на потрошувачите се влоши, покажуваат статистиките.
Значењето на овие податоци може да избледи со оглед на фактот дека економскиот раст во еврозоната забавува. Главната причина е Германија, најголемата економија во еврозоната, која забележа пад на економската активност во периодот меѓу април и јуни.
Ако не се земат предвид привремените ефекти што ги донесоа Олимписките игри во Париз, истражувањата на „Стандард и Пурс“ покажуваат дека економиите на еврозоната се соочуваат со нови проблеми.
Монетарното олабавување на Европската централна банка (ЕЦБ) до одреден степен ќе ја подобри ситуацијата, а се очекува дека инфлацијата ќе продолжи да забавува по неочекуваното забрзување во јули.
Пазарите очекуваат дека ЕЦБ повторно ќе ги намали каматните стапки во еврозоната за 25 базични поени на следниот состанок во септември.
.webp){kind=icon}
