Економијата на Данска порасна побрзо од очекуваното во вториот квартал бидејќи силниот пазар на труд и помогна на нордиската земја да избегне рецесија. Бруто домашниот производ сe зголемиза 0,7 проценти во однос на првите три месеци од годината, според показателот објавен од државната статистичка агенција. БДП се намали за 0,5 проценти во првиот квартал од 2022 година.
Податоците даваат подобра слика за данската економија откако се зголеми загриженоста дека нејзиниот релативно добар тек за време на пандемијата може да заврши поради ефектите од повисоките трошоци за енергија и зголемените каматни стапки.
Стапката на раст во вториот квартал беше „повисока од очекуваното и значително подобра од контракцијата на БДП на која предупреди данската централна банка“, рече во белешка Лас Олсен, главен економист во „Данске Банк“ (Danske Bank).
„Гледаме значително подобрување во индустриското производство и исто така подобри времиња во многу услужни професии“, вели Олсен.
Речиси сите сектори забележаа раст, потпомогнат од силниот пазар на труд. Показателот за вработеност порасна за 0,7 проценти, соопшти агенцијата за статистика. Ги истакна хотелите и рестораните каде што крајот на заклучувањето поради „Ковид-19“ ја зголеми активноста од претходниот квартал. Данска ги отфрли сите ограничувања во февруари, прогласувајќи дека болеста повеќе не претставува закана за општеството.
Данска веројатно се соочува со општи избори во наредните месеци бидејќи еден од сојузниците на социјалдемократската влада во парламентот врши притисок врз премиерот Мете Фредериксен да свика предвремено гласање. Неодамнешните анкети сугерираат мнозинство за централнодесничарската опозиција.
Според Олсен, данските компании се соочуваат со предизвици кои ќе го намалат производството во наредните квартали.
„Многу бизниси имаат огромни проблеми со недостиг на материјали и работна сила. Компаниите веројатно можеа да продадат уште повеќе, но тешко им е да ги направат своите производи“, укажа Олсен.
.webp){kind=icon}
