Европските цени на струјата скокнаа на нов рекорд продлабочувајќи ја кризата која се заканува да го фрли регионот во рецесија.
Цените на струјата за следната година за Германија се зголемија за 3,2 отсто на 475 евра за мегават час на Европската енергетска берза. Тоа е шест пати повеќе од цената во ова време лани, и двојно повеќе за последните два месеци.
Bloomberg
Пазарот е движен од загриженоста дали намалените испораки на гас кон Европа ќе овозможат доволни количини струја зимава. Француските нуклеарки работат со многу мал капацитет оневозможувајќи извоз на струја во претстојните месеци, додека топлотните бранови и сушата на континентот ја ограничуваат инфраструктурата на краток рок.
Растечките цени на струјата ги зголемуваат сметките на домаќинствата и трошоците на се. Енергијата ја движи инфлацијата низ Европа, туркајќи ја кон двоцифрената зона.
Во Обединетото кралство, цените на струјата за домаќинствата за октомври се речиси двојно поголеми – скокнаа на 591 фунта за мегатавт час на Интерконтинентналната берза АГ.
Европските влади предлагаат мерки за тоа како да се олесни ситуацијата и влијанието од растечките цени врз економијата. Во Франција, државата планира целосно да ја национализира Electricite de France SA, која ги поседува нуклеарките во земјата и која се бори да ги одржи во живот заради горештините.
Нема знаци дека наскоро цените би можеле да се релаксираат, според аналитичарите од данското електростопанство.
„Очекуваме раст на цените и неделава освен ако не добиеме некакви силни сигнали кои би се донесувале на гасот“, пишува во белешката на нивниот сајт.
Цените на гасот за следниот месец на холандската берза минатата недела скокнаа за 3,9 отсто.
.webp){kind=icon}
