Довербата на потрошувачите во Велика Британија падна на рекордно ниско ниво заради зголемената загриженост дека рецесијата ќе се продлабочи и заради високата инфлација која влијае на буџетите на домаќинствата.
Според извештајот на GfK, довербата се намалила за три поени, на – 44 во август, најниско ниво по 1974 година. Сите референтни вредност паѓаат, а најмногу изгледите за личните финансии.
„Чувството на огорченост е најголем двигател на ваквите случувања во Велика Британија“, вели Џо Статон, стратег во GfK. „Кризата на довербата ќе се влошува како деновите ќе стануваат помрачни на есен и поладни в зима“.
Податоците го покажуваат влијанието на инфлацијата во изминатата година, таа изнесува 10,1 отсто и е највисока во последните четири децении и ги зголеми трошоците на се, од храната до облеката. Банката на Англија очекува цените да се зголемат до 13 отсто во следните месеци, заострувајќи ги главоболките на купувачите чии реални плати паѓаат најбрзо досега.
„Потрошувачите или веќе се борат со растечките трошоци или се плашат дека борбата е на видикот“, вели Линда Елет, раководител на одделот за пазари во KPMG UK. „Облаците што носат бура се приближуваат многу брзо, високите трошоци ја редуцираат и така слабата потрошувачка моќ“.
Друга анкета за деловните изгледи, на Лојд Банката, покажува пад кај девет од 14 индустрии. Извештајот покажа дека побарувачката паднала кај 10 сектори, а туризмот и рекреацијата се најсилно погодени.
„Инфлаторниот притисок моменатлно зависи од активноста и побарувачката низ земјата“, вели Џевон Лолај, главен економсит во Лојд. „Го вклучува и забавувањето кое го предводат купувачите, падот на реалните приходи, постојаните ограничувања во снабдувањето како и недостигот на работна сила“.
.webp){kind=icon}
