Групата инвеститори, која што ги вклучува Ер Франс-КЛМ (Air France-KLM) и Делта Ерлајнс (Delta Air Lines Inc.), е во предност да го купи новиот италијански авиопревозник, кој е во државна сопственост, откако беше избрана за подобра конкурентска понуда од тимот во кој беше вклучена германска Луфтханза (Deutsche Lufthansa).
Италијанското Министерство за финансии, институцијата преку која што се води процесот за наоѓање нов сопственик за Ита Ервејс (ITA Airways), денеска соопшти дека ќе започне ексклузивни преговори со инвеститорската група, предводена од инвестицискиот фонд Certares, кој ги вклучува Air France-KLM и Delta.
„По ексклузивни разговори, ќе биде потпишан обврзувачки договор само доколку исходот биде целосно задоволителен за јавниот акционер“, пишува во соопштението на Министерството за финансии во Италија. Но, до реализација на преземањето има уште низа пречки, вклучително и парламентарните избори во Италија, кои треба да се одржат за помалку од еден месец. Новата влада, што врз основа на неодамнешните анкети најверојатно ќе биде предводена од десничарска коалиција, би можела да ја смени денешната одлука, или дури и целосно да ја блокира приватизацијата на превозникот.
Прочитај повеќе
Авиокомпанија бара од директорите привремено да бидат носачи на багаж
Австралиската национална авиокомпанија има потреба директорите да ги напуштат своите работни позиции на три месеци и да носат багаж по аеродромите.
08.08.2022
Групацијата Арикома ја купува компанијата „Мусала Софт“
Групацијата АРИКОМА, која е дел од KKCG, е европски давател нa ИТ услуги и напредни технологии
03.08.2022
Според условите наведени во понудата од страна на групацијата, државата би поседувала околу 40 отсто од акциите на ИТА и би можела да контролира две од петте места во управниот одбор на компанијата, со одредено ниво на право на вето врз номинациите за управување, објавија локалните медиуми.
Ита Ервејс произлезе од поранешниот авиопревозник Алиталија, сериски загубар, што успеваше да продолжи да лета само благодарение на државната помош. Италијанската влада ја реформираше авиокомпанијата под името ИТА во 2020 година, отстапувајќи дел од имотот на авиопревозникот и задржувајќи голем дел од нејзиниот долг. Продажбата на ИТА „нема да биде препуштена на следната влада, ние мора да ја завршиме нашата должност“, изјави претходно премиерот Марио Драги.
.webp){kind=icon}
Во моментов нема коментари за веста. Биди прв да коментира...