Зголемувањето на каматните стапки од ЕЦБ не дава брзи резултати

Недостигот од висококвалитетни средства во европскиот регион ги ограничува трошоците за краткорочни позајмици, што би можело да ги загрози настојувањата на Европската централна банка (ЕЦБ) кога станува збор за заострување на финансиските услови.

Трошоците за позајмување на готовина преку германските државни обврзници на краток рок, порасна за само 57 базни бодови од одлуката на ЕЦБ за зголемување на референтната каматна стапка за 75 базни бодови, покажуваат податоците на најголемата германска банка „Commerzbank AG“.

Тоа е симптом на долгогодишното купување обврзници од централната банка, што помогна да се зголеми количината на вишок пари во оптек на рекордни 4,7 милијарди евра и ги намали залихите на државните обврзници достапни за тргување. Нерамнотежата беше проблем додека ЕЦБ одржуваше лабави финансиски услови, но сега тоа значи дека „се трча“ по премногу големата количина пари за да се ограничи бројот на хартии од вредност, што делува како пригушувач на стапката.

„Неизедначеното движење е голема грижа“, рече Михаел Лајстер, стратег за каматни стапки во „Commerzbank“. „Неодамнешните движења на пазарите го зголемуваат ризикот од уште една интервнција од страна на ЕЦБ“, додава Лајстер.

Bloomberg Mercury

Надлежните велат дека ја следат состојбата за да се осигураат дека зголемувањето на каматите всушност се одразува на каматните стапки и пошироко на економијата. Централната банка на својот последен состанок делуваше на начин да спречи натамошно влошување на условите, привремено укинувајќи ги ограничувањата на каматните стапки на државните депозити, потег осмислен за да се заузда побарувачката за хартии од вредност, како краткорочните записи.

Сепак, побарувачката за висококвалитетни хартии од вредност зајакна поради нестабилноста што годинава го зафати пазарот. Трговците кои се борат со неизвесното движење на инфлацијата и стапките всушност се задржаа на хартиите од вредност за да ги избегнат турбуленциите.

Пазарните цени и натаму се нестабилни зашто пазарите се прилагодуваат на промените од ЕЦБ, но реакцијата сега е поинаква од таа што беше по претходното покачување на каматните стапки во јули за 50 базни бодови.

Краткорочните каматни стапки во евра целосно реагираа на зголемувањето на референтната каматна стапка и се покачија за 74,5 базни бодови. Некои аналитичари беа загрижени дека разликата меѓу краткорочните каматни стапки и тие на депозитите кај ЕЦБ може дополнително да отстапат поради големото покачување, што би имало значајно влијание на преносот на монетарната политика.

Bloomberg Mercury/Philip Lane

Главниот економист на ЕЦБ, Филип Лејн, рече дека ктраткорочните каматни стапки се „особено важни“, со оглед на тоа дека се мерило за одредување на пазарните очекувања за политиката на централната банка во наредниот период, како и дека надлежните исто така, „ќе внимаваат на разликите меѓу различните каматни стапки на пазарот на пари и загриженоста поради недостигот“.

Пред одлуката на ЕЦБ привремено да го укине ограничувањето на каматните стапки на државните депозити, двегодишните германски обврзници се тргуваа со најголема премија од 2008 година. Трговците се подготвуваа дека државната готовина ќе ја напушти касата на централната банка и ќе се насочи во висококвалитетни хартии од вредност.

Bloomberg Mercury

Најсигурното средство за инвестирање во Европа е послабо отколку за време на колапсот на Леман Брадрс. Иако притисокот попушти, со овие обврзници уште се тргува по најскапи цени во споредба со последните десетина години.

Во моментов нема коментари за веста. Биди прв да коментира...

Остави коментар