.webp){kind=icon}
Дизелот од полноќ поевтинува за три денари, а се намалува и цената на екстра лесното масло за домаќинство за денар и половина, одлучи денеска Регулаторната комисија за енергетика. Цената на бензините останува иста.
Новата цена на дизелот ќе биде 92 денари за литар, еуросупер БС-95 и понатаму ќе се продава по цена 84,50 денари, а еуросупер БС-98 по цена од 87 денари за литар. Екстра лесното масло за домаќинство ќе се продава по цена од 89 денари за литар.
РКЕ соопшти дека се намалува и цената на мазутот за 1,082 денари и килограм ќе чини 50,391 денари. Со најновата одлука на РКЕ се врши намалување на малопродажните цени на нафтените деривати во просек за 1,38 проценти.
