Македонски резиденти лани инвестирале 21 милион евра во недвижности во Грција, што е убедлив рекорд во изминативе години. Податоците на Банката на Грција покажуваат дека од 2019 година наваму речиси секоја година има зголемување на директните инвестиции од Македонија во грчкиот недвижен сектор.
Статистиката открива дека всушност Македонија се најде на 20-то место на листата најголеми инвеститори во недвижности во Грција во минатата година. Листата ја предводат Турција со инвестирани 214 милиони евра во грчки недвижности, Швајцарија (211 милиони евра) и Кипар (210 милиони евра).
Растот на цените на недвижностите не ги одвраќа Македонците
Прочитај повеќе
Паѓа продажбата на станови - цените остануваат високи
Најскапиот метар квадратен во првиот квартал од оваа година е продаден за 2888 евра. Се работи за стан од 45 метри квадратни во скопската општина Кисела Вода за кој биле платени 130.000 евра, стои во кварталниот извештај на Агенцијата за катастар.
12.05.2026
Богатите жители на Блискиот Исток бараат недвижности во Европа за да избегаат од војната
Агентите за недвижности од Лондон, Монако, Швајцарија и шпанското луксузно летувалиште Марбеља известуваат за зголемен интерес
19.04.2026
Македонија меѓу земјите со највисок раст на цените на становите во Европа
Македонија е шеста земја во Европа според високиот раст на цените на становите во последните пет години. Ако растот на цените се приспособи на инфлацијата, земјава се искачува две места погоре, четврта е во Европа.
09.04.2026
Квадрат во Дубаи колку квадрат во Скопје - интерес има и во време на војна
И покрај воената криза, интересот за недвижности во Емиратите не стивнува, напротив.
03.04.2026
Од каде толку многу кеш на пазарот на недвижности во Македонија и регионот Адрија?
Речиси во сите земји од регионот Адрија (Македонија, Србија, Хрватска, Словенија и БиХ) купувањето станови и куќи во готовина е секојдневие.
22.10.2025
Странските директни инвестиции во недвижниот сектор во Грција лани изнесувале околу 2,05 милијарди евра, што е значително намалување во однос на претходната година кога странците инвестирале 2,75 милијарди евра.
Во Грција, како и во Македонија и повеќето земји во регионот во изминативе години имаше раст на цените на недвижностите. Статистиката на Банката на Грција покажува дека лани просечниот годишен раст на цените на живеалиштата во Грција изнесувал 7,5 проценти, а во Солун 9,6 проценти.
Стан во Солун или мазонета на Халкидики
„Блумберг Адрија“ уште во минатата година пишуваше дека одамна заврши времето кога станови во Солун и другите места во Грција можеа да се купат по цена од 1.000 евра за квадрат. На сајтовите на агенциите за недвижности во Грција може да се најде огромна понуда на недвижности за сечии вкусови – од станови и апартмани во Солун до големи вили и мазонети во приморските места на Халкидики.
Цените варираат во зависност од староста на објектите, енергетската ефикасност и близината на морето, но во повеќето огласи цените на понови недвижности надминуваат 2.000 евра, па дури и 3.000 евра за квадрат, а се чини дека поскапи се становите со помала квадратура. Така, на сајтот на грчката агенција „Ел Греко“ се нуди студио во Вардарис од 29 квадрати за 90.000 евра, апaртман од 53 квадрати во Агиос Димитрос за 110.000 евра, а апартман во центарот на Солун од 85 квадрати се продава по цена од 320.000 евра.
Слични се цените и во приморските места на Халкидики. Така, мазонета од 70 квадрати во Ситониа се продава за 160.000 евра, студио од 35 квадрати во Каликратиа се нуди за цена од 95.000 евра, а куќа од 132 квадрати во Никити се нуди за 950.000 евра.
.webp){kind=icon}
