Во моментов е тешко да се предвидува кога ќе запре трендот на раст на цените, но по мое убедување тоа би можело да се случи во следните неколку месеци, изјави Сашо Дукоски, претседател на Трговската комора при Сојузот на стопански комори, при гостувањето на Блумберг Адриа ТВ.
„Мора да се има предвид дека цената на производите е дефинирана од влезните цени на производство. Се додека има нестабилна цена на енергенсите и додека во македонската економија цените се нестабилни, тешко е да се одговори каков ќе биде трендот, иако очекувам стабилизирање, рече Дукоски.
Во однос на ограничувањето на маржите, мерка која Владата ја презема во обид да ги заузда растечките цени, Дукоски вели дека тоа не може да се смета за конкретна и ефикасна мерка доколку не постои одредена балансираност.
„Може да ја ограничувате маржата, но тоа е само дел кој се додава на цената на готовиот производ. Треба да се има балансираност, односно на конечната цена влијаат многу влезни цени. Ако е висока влезната цена на енергентот, електричната енергија на пример или природниот гас, или на суровините и ако не се овозоможи производителите да произведат поевтино тогаш само маржите нема да се ефикасни. Листата на производи со намалени маржи може да се зголемува, но тоа нема да даде ефект затоа што мора да се следи целиот ланец на движење на производот, вели Дукоски.
Тој додава дека сигурно има трговци кои ја злоупотребуваат ситуацијата и профитираат во време на криза и повика наделжните да истражат и да ги лоцираат тие.
Вели дека најверојатно станува збор за неконтролираниот дел од домашната економија, односно делот кој спаѓа како сива економија и вели дека тие трговци треба да се санкционираат.
Дукоски е дециден дека може да се смени ситуацијата со помош кон компаниите и тврди дека треба да има олабавување на монетарната политика во овие месеци, а не затегнување.
.webp){kind=icon}
