.webp){kind=icon}
За 18,3 проценти поскапело кафето во Македонија во август, годинава споредено со истиот месец, минатата година, покажуваат најновите податоци на „Еуростат“. Истовремено, шеќерот поскапел за 58,8 проценти, а на свежото полномасно млеко за 29,6 проценти. Поскапувањата очигледно ќе им го „згорчат“ животот на голем број граѓани на кој утринското кафе им е редовен ритуал. „Најзагрозени“ се оние кои пијат кафе со шеќер и млеко.
Во земјите од ЕУ, млекото поскапело за 24,3 отсто, а шеќерот за 33,4 отсто, најмногу во Полска за дури 109,2 проценти. Според податоците на Евростат, цените на кафето, млекото и шеќерот се зголемиле во сите земји-членки на ЕУ, освен во Малта.
Кафето најмногу поскапело во Финска (43,6 проценти), во Литванија (39,9 проценти) и во Шведска (36,7 проценти) Млекото во Литванија (58,2 проценти), во Хрватска (41,2 проценти) и во Естонија (38,9 проценти).
Шеќерот, пак, во изминатата година најмногу поскапел во Полска (109,2 проценти), во Естонија (81,2 проценти), Летонија (58,3 проценти) и во Бугарија (44,9 проценти).
