.webp){kind=icon}
Меѓународниот монетарен фонд (ММФ) даде зелено светло за кредит за Македонија во вредност од 530 милиони евра на период од 2 години. Ова го соопшти Министерството за финансии, од каде што појаснуваат дека кредитот би се зел преку Кредитната линија за претпазливост (The Precautionary and Liquidity Line - PLL).
Се очекува Бордот на ММФ да го одобри кредитот преку овој инструмент до крајот на месецов. Кога ќе се одобри, Македонија веднаш ќе има на располагање 110 милиони евра за финансирање на буџетските потреби и за полесно соочување со шоковите од енергетската и ценовната криза.
Намената на инструментот е да обезбеди ликвидносна поддршка на здрави економии во време на шокови и кризи, каква што е тековната глобална ситуација, појаснуваат од Финансии.
Прочитај повеќе
ММФ планира мерки за помош против инфлацијата
ММФ бара начини да им помогне на земјите погодени од глобалниот недостиг на храна
17.09.2022
„Ова е големо признание за економските политики кои се спроведуваат во земјава, бидејќи Фондот овој финансиски инструмент го наменува само за земји со здрави економски фундаменти и со здрави политики“, пишува во соопштението на Министерството за финансии.
