.webp){kind=icon}
Според аналитичарите на „Блумберг Адрија“ цените на недвижностите догодина ќе почнат да паѓаат поради повисоките каматни стапки, рецесиското опкружување, како и инфлацијата.
Нашиот аналитички тим за следната година прогнозира и забавување на градежната активност.
Градежникот Фатмир Етеми, пак, вели дека оперативно е директно поврзан со градба и според неговите инфомации и согледувања на движењата во Македонија и регионот берзанските цени на градежните материјали вртоглаво растат.
Прочитај повеќе
ББА-прогноза: Цените на недвижностите догодина ќе паднат за 10 отсто
Цените ќе паѓаат поради повисоките каматни стапки, рецесиското опкружување и инфлацијата.
02.11.2022
Растот на цените на недвижностите во регионот е повисок од просекот на ЕУ
Главниот аналитичар на „Блумберг Адриjа“ вели дека регионот забележал едно од најсилните зголемувања на цените на недвижностите во Европа.
02.11.2022
Ова, според Етеми, е специфично за целиот регион, но во Македонија има и некои други феномени кои се карактеристични само тука, односно во другите држави, како што вели, нема толку големи давачки кон градот и општините.
„Во Скопје пред месец дена се зголемени комуналиите за 151 евро за квадратен метар бруто површина, што значи само за нето површина имаме давачки од 190 евра по квадратен метар кон градот Скопје и општините. За деловен простор имаме 181 евро за квадратен метар за бруто површина, односно за нето површина доаѓа околу 230 евра“, објаснува Етеми.
Затоа цените во Македонија не можат да паднат, односно ќе се стабилизираат на ова ниво на кое што се, категоричен е градежникот.
