.webp){kind=icon}
Во однос на тоа што ќе донесат законските олесувања за легализација на дивоградби со поставување на фотоволтаици, во гостувањето на Блумберг Адрија ТВ, свое видување даде професорката од Градежниот факултет во Скопје, Мери Цветковска.
Легислативата дозволува легализирање на дивоградби од лесната индустрија ако во рок од една година компаниите постават фотоволтаици.
„Од една страна тоа е олеснување во поглед на потрошувачката на енергија и употребата на чиста, сончева енергија. Меѓутоа, од друга страна треба да бидеме многу претпазливи бидејќи објект што е изграден како дивоградба, а потоа се легализира, би можеле да кажеме дека е ризик за оној што престојува во него и го користи, но легализирајќи го се дава право тој објект и во иднина да се продава, да го промени сопственикот. Дали оној што потоа ќе го купи објектот, за кој никаде не е запишано дека бил дивоградба, ќе биде сигурен што купува, каков е квалитетот на она што го купува... Значи не постои проектна документација, не сме сигурни за статиката, сеизмичката стабилност на градбата“, објаснува професорката Цветковска.
Според неа, пред да се направи ваков чекор треба да се извршат одредени анализи, проверки и контроли.
„Јас би била многу претпазлива во однос на тоа кои од градбите би можеле да бидат внесени во катастарот, односно да бидат запишани како регуларни градби“, посочува Цветковска.
Целиот разговор со неа погледнете го во видеото во рамки на објавата.
