Инфлацијата во Велика Британија во мај се искачи на ново највисоко ниво во последните четири децении, по големите зголемувања на трошоците за сè, од гориво и електрична енергија до храна и пијалоци.
Стапката се забрза на 9,1 отсто, од 9 отсто еден месец порано, објави денеска Канцеларијата за национална статистика.
Малопродажните цени се искачија повеќе од очекуваното за 11,7 отсто, а исто така имаше и повеќе знаци на зголемување на инфлаторните притисоци на големопродажно ниво, при што трошоците за суровините се зголемија најмногу забележано. Иако скокот беше помал отколку што беше забележан во последниве месеци, бројките сè уште го нагласуваат обемот на инфлациската криза со која се соочува Обединетото Кралство. Работите ќе се влошат подоцна оваа година кога ќе започне уште едно покачување на цената на енергијата.
Bloomberg Mercury
Анализа на Bloomberg economics
„Bloomberg economics веќе предвиде дека инфлацијата ќе се зголеми и повеќе односно до 25 базични поени и подолготраен инфлациски притисок. Денешното објавување на податоците за мај нема да направи ништо за да ги смири тие стравови. Очекуваме инфлацијата да се засили во месеците што следат, бидејќи порастот на цените на храната и горивата ќе ја подигне годишната стапка. Врвот најверојатно ќе дојде до октомври, кога Ofgem, енергетскиот регулатор на Обединетото Кралство, повторно ќе ја зголеми ценовната граница на сметките за енергија, стои во извештајот.
Растот на инфлацијата беше поттикнат од зголемувањето на цените на храната и безалкохолните пијалоци, кои формираат остар контраст на графиконите со падот пред една година. Зголемувањето на цените на струјата и гасот и другите горива, моторните горива и половните автомобили исто така придонесоа за оваа стапка.
Bloomberg Mercury
Трошоците за стоките кои излегуваат како готови производи се зголемија за 15,7 отсто во однос на една година, што е цел процентен поен посилно од очекуваното и најмногу од 1977 година.
Цените на суровините скокнаа за 22,1 отсто, исто така повеќе од очекуваното и најмногу од почетокот на евиденцијата во 1985 година.
Економијата е на пат да се намали за прв пат од пандемијата, потрошувачите гледаат дека нивните приходи се притиснати со најсилно темпо во последните две децении, а серијата штрајкови на железницата буквално ја застанаа нацијата оваа недела.
Додека Џонсон воведе пакет мерки за да помогне да се компензира дел од сметките за енергија, тој вели дека зголемувањето на платите за да се справи со инфлацијата не е опција. Џонсон во вторникот му рече на својот кабинет дека неговата влада се обидува да спроведе ограничување на платите на работниците во јавниот сектор или во спротивно да ги зголеми цените.
.webp){kind=icon}
