.webp){kind=icon}
Кризата со електричната енергија и целата енергетска транзиција може да се реши со технички решенија, а не со административни, изјави сопственикот на „Фероинвест“ и поранешен вицепремиер за економија, Кочо Анѓушев на Форумот за енергија во Атина, организиран од Енергетската заедница.
Според Анѓушев, техничките решенија треба да овозможат производството на електрична енергија од обновливи извори да биде организирано така што енергијата ќе биде достапна тогаш кога е барана и кога има потрошувачка за неа.
Непланското градење електрани од обновливи извори, односно градење само на електрани на сонце, што е појава во регионот, но и низ цела Европа, нема да може да ја замени електричната енергија од термоелектраните, кои во иднина треба да се напуштаат.
Прочитај повеќе
Соларната енергија се соочува со удар од нестабилните цени на суровините
Полисилициумот, клучен елемент во соларните панели, поевтини за 40, па поскапе за 50 отсто во два и пол месеца.
22.02.2023
Струјата од сонце ќе ја врати евтината тарифа
Не сум приврзаник на каква било промена, односно зголемување на цената на електрична енергија
29.05.2023
Цветковска: Внимателно со легализацијата на дивоградби со фотоволтаици
Дали оној што некогаш ќе го купи објектот, ќе биде сигурен што купува, прашува професорката од Градежниот факултет, Мери Цветковска.
21.12.2022
Бислимовски: Очекуваме изградба на фотоволтаици од 300 мегавати
Претседателот на РКЕ, Марко Бислимовски, вели дека земјава бележи напредок во обновливите извори на енергија.
18.01.2023
„Зум ин“: Системи за складирање енергија за намалување на трошоците на компаниите
Според универзитетскиот професор Миновски, потребно е ревидирање на зелената стратегија.
05.05.2023
За да има вистинска енергетска замена, потребни се електрани на сонце, ветер, вода и биогас, како и поставување на големи батериски системи за складирање, за да може електричната енергија од обновливи извори која се произведува само во одредени периоди на денот, правилно да се распореди до потрошувачите во текот 24-те часа, порача Анѓушев пред присутните енергетски чинители од регионот и Европа, вклучително од Енергетската заедница од Виена и од Европската комисија.
Секоја држава треба стратегиски да ги води изградбите на новите електрани, а на инвеститорите да им го олесни, некаде и законски да го реши, поставувањето на батерии за складирање на вишоците електрична енергија, и во овие делови Анѓушев го гледа придонесот на административните мерки, односно како поддршка на техничките решенија.
