.webp){kind=icon}
Големи се придобивките од вклучувањето на македонските средношколци во таканареченото дуално стручно образование, бидејќи тие добиваат соодветна обука, со што утре веднаш можат да добијат вработување во некоја од странските компании во земјава. Меѓутоа, откриваме дека сè повеќе од нив наместо да останат на работа во компаниите каде што биле обучувани, откако ќе ги добијат потребните сертификати заминуваат на работа во Германија или во некои други европски земји, што негативно влијае на пазарот на трудот во земјава.
Следната недела анализираме кои македонски брендови, пред сè од ИТ-индустријата, успеваат да изградат светска репутација и кои се начините за полесно пробивање на меѓународниот пазар.
Ќе можете да прочитате и какви се трендовите кај рефинансирањето на кредитите дадени на компаниите и на населението односно колку се одложува отплатата на банкарските заеми и како може да влијае тоа на финансиската стабилност во земјава.
Македонските компании сè уште ги чувствуваат последиците од енергетската криза во минатата година, која беше проследена со рекордно висока инфлација, која никако да се симне под двоцифрената граница. Ќе презентираме како ваквите економски услови влијаат врз работата на малите бизниси во Македонија.
Македонија со години има дефицит во трговската размена со странство, а меѓу главните причини за тоа е неконкурентноста на македонските производи. Ќе анализираме какви се најновите трендови во македонскиот извоз и што треба да се направи за подобрување на состојбата односно за намалување на минусот во надворешната трговија.
